{{text}}
24.08.2021
З чым у вас асацыіруецца поўны рэлакс? Напэўна з ваннай, напоўненай пухкай пенай, ненадакучлівай прыемнай музыкай і расслабляльнымі спа-працэдурамі, якія не толькі прыводзяць у парадак нервы, але і здароўю дапамагаюць. Гэта і ўяўляюць сабою розныя віды масажу, прычым некаторыя з іх нават праходзяць без удзелу спецыяліста! А зараз будзем разбірацца, дзе ў санаторыях Беларусі праводзяць стоўнтэрапію, як аквамасаж можа быць сухім і дзе ў ролі прафесійных масажыстаў выступаюць мініяцюрныя… рыбкі!
Адкрывае наш топ несмяротная класіка, карысная для ўсіх узростаў. Яна дорыць палягчэнне пры захворваннях розных сістэм органаў. Ёсць мноства разнавіднасцяў ручнога масажу, і часцей за ўсё адрозніваюць некалькі асноўных відаў, напрыклад, паводле тыпу ўздзеяння:
Агульны — закранае ўсё цела.
Мясцовы — уздзейнічае толькі на праблемную зону (спіна, рукі, ногі і г.д.).
Лячэбны — сюды адносяцца і ручныя маніпуляцыі, і апаратныя (па паказаннях).
VETLIVA рэкамендуе: апроч таго, што масаж валодае антыцэлюлітным уздзеяннем, ён яшчэ дапамагае тым, у каго праблемы з нярвовай сістэмай, стрэсамі і раздражненнем. Аднак памятайце: як і любая іншая працэдура, ён можа мець супрацьпаказанні. А таму абавязкова трэба будзе пракансультавацца з урачом!
Вы ведалі, што масаж у санаторыі можа быць бескантактавым? Ляжыш сабе спакойна, пакуль над арганізмам і целам працуе адмысловая масажная кушэтка ці крэсла. Адна з асноўных пераваг такога тыпу ўздзеяння складаецца ў тым, што вібрацыі, якія ствараюць Nuga best, Body Health і іншыя адмысловыя апараты, не зможа правецсі нават самы дасведчаны масажыст. Толькі ўявіце: усяго за 15 хвілін ствараецца нагрузка на пазваночнік, аналагічная 10-кіламятровай пешай прагулцы!
А яшчэ апаратны масаж дапамагае:
Так што сардэчна запрашаем у лепшыя санаторыі Беларусі, дзе паклапоцяцца не толькі пра ваша добрае самаадчуванне, але і пра выдатны настрой!
Акварол Пра — гэта не проста мясцовы масаж, які можа ажыццяўляцца як на рукі, так і на ногі. Унікальнасць апарата складаецца ва ўзаемадзеянні адразу некалькіх фактараў: вада камфортнай для чалавечага цела тэмпературы + шкляныя шарыкі + масаж, які ажыццяўляецца за кошт кантраляванага руху вады і шарыкаў у ёй. Прылівы і адлівы, пастукванні, ціск элементаў на скуру і тканіну забяспечваюць дынамічны гідрамасаж. Працэдура ўздымае настрой, паляпшае цыркуляцыю крыві, павялічвае тонус скуры, памяншае ацёчнасць і боль.
Падводны душ-масаж уяўляе сабою яшчэ адзін бескантактавы тып масажу. Атрымаць стымулюючы і лячэбны эфекты дапамагае спалучэнне тэмпературных і механічных фактараў:
спачатку чалавек расслабляецца ў цёплай вадзе, тэмпература якой не перавышае 38 градусаў;
затым спецыяліст бруёй вады пад ціскам 1,5-3,5 атмасферы ажыццяўляе масаж пад вадой.
Адчуванні ад гэтага проста нерэальныя! Прычым методыка стымуляцыі падбіраецца, зыходзячы з індывідуальных запатрабаванняў арганізма пацыента. Калі вы жадаеце пазбавіцца ад цэлюліту і скарэктаваць постаць, масажыст будзе ўздзейнічаць выключна на праблемныя зоны. І вынік не прымусіць сябе чакаць!
Рада ад VETLIVA: душы не чуеце ў лазневых працэдурах? Тады вам сапраўды спадабаецца наш артыкул пра віды ваннаў, якія ёсць у беларускіх здраўніцах. А там, глядзіце, і рукою дастаць да чарговага адпачынку. Яго сапраўды варта правесці, лашчачыся ў вадзе з гаючымі дадаткамі, павялічваючы імунітэт і атрымліваючы асалоду ад рэлаксу, які вы заслужылі.
Калі моцныя бруі вады прыносяць вам дыскамфорт — ёсць выдатная альтэрнатыва. Унутры адмысловай капсулы адсутнічае прамы кантакт з вадой, таму вы застаецеся абсалютна сухім. Але пры гэтым адчуваеце ўздзеянне вадзяных бруй праз тонкую, але моцную воданепранікальную тканіну. Адна з галоўных пераваг такой працэдуры ў тым, што інтэнсіўнасць масажу наладжваецца, зыходзячы з індывідуальных параметраў пацыента. Гэта значыць, што капсула сухога аквамасажа паказана нават дзецям!
Апроч карэкцыі постаці і паляпшэння стану скуры, працэдура дапамагае людзям з захворваннямі апорна-рухальнага апарата, дыхальнай сістэмы, болевымі сіндромамі, праблемамі з тоўстым кішачнікам і інш.
Пнеўмакампрэсійная тэрапія працуе больш вузканакіравана. Уздзеянне ажыццяўляецца на ногі, рукі і тазавы пояс. Апарат «Lympha-mat» уяўляе сабою камплект манжэт, якія апранаюцца на праблемныя зоны і аказваюць папераменны ціск на іх. Такім чынам, вакуумны масаж дапамагае пры:
варыкозе і іншых сур'ёзных захворваннях ніжніх канечнасцяў,
захворваннях сардэчна-сасудзістай сістэмы, у тым ліку прафілактыцы тромбаэмбаліі,
ацёках рознага паходжання і іншых праблемах.
Рада ад VETLIVA:: дадзеная працэдура добра дапамагае спартоўцам, якія аднаўляюцца пасля інтэнсіўных фізічных нагрузак. Таму, калі вы жадаеце хутчэй прыйсці ў тонус, надышоў час абраць адну са здраўніц, дзе ёсць цуд-апарат вакуумнай тэрапіі.
SPA — гэта не толькі пра адмысловыя бьюці-салоны. Цяпер у санаторыях Беларусі працуюць уласныя стоўн-тэрапеўты, якія маюць адпаведную кваліфікацыю і досвед правядзення расслабляльнага масажу з ужываннем камянёў кантраснай тэмпературы. За кошт чаргавання нагрэтых і халодных каменьчыкаў атрымоўваецца дасягнуць не толькі глыбокага расслаблення, але і палепшыць цыркуляцыю крыві, дапамагчы функцыянаванню крывяноснай сістэмы, зняць спазмы і дасягнуць іншых карысных эфектаў. А паспрабаваць на сабе цудадзейную сілу масажу натуральнымі камянямі прапануюць у гэтых санаторыях Беларусі.
Толькі ўявіце: гэтай масажнай практыцы ўжо сотні гадоў! Яна прыйшла да нас яшчэ з часоў Старажытнай Русі: знахары ведалі пра гаючыя ўласцівасці грэчкі і прыкладвалі мяшэчкі з ёй да балючых месцаў. Сучасная медыцына пайшла далей: яна сумясціла старажытны досвед з сучасным, і зараз мяшэчкі з разагрэтымі крупамі не проста прыкладваюць да цела, а робяць з імі паўнавартасны масаж. Ён дапамагае зладзіцца з астэахандрозам, аднавіць тонус мышцаў і пазбавіцца ад цэлюліта.
Завяршае наш агляд відаў масажу ў Беларусі адна з самых незвычайных працэдур. Іхтыямасаж, ён жа fish-spa для беларускіх санаторыяў паслуга досыць новая, затое тым, хто шмат падарожнічае за мяжой, яна павінна быць знаёмая. Гэта пілінг і масаж 2-у-1, які робяць… маленькія рыбкі з сямейства Гара Руфа. За пятачкамі як у немаўля якраз ідуць да іх! Пакуль вы сядзіце, апусціўшы ногі ці рукі ў рэзервуар з маленькімі масажыстамі, рыбкі мякка чысцяць скуру і з'ядаюць арагавелыя часцінкі.
Цікавы факт ад VETLIVA: памер рыбак — да 10 сантыметраў, а таму вы можаце быць спакойныя: ні пра якія ўкусы ці ранкі і гаворкі ісці не можа! Адчуванні выключна прыемныя і, больш за тое, надзвычай карысныя. Сліна Гара Руфа ўтрымоўвае адмысловыя ферменты, якія валодаюць гаючымі ўласцівасцямі і ўваходзяць у склад амаладжальных крэмаў.
Як бачыце, масаж у санаторыі — гэта лячэбная працэдура, якая здольная дапамагчы вам зладзіцца з самымі рознымі хваробамі. Дасведчаны адмысловец беларускай здраўніцы прызначыць вам курс лячэбных, расслабляльных ці антыцэлюлітных працэдур, і VETLIVA упэўнены: вы будзеце задаволены атрыманым вынікам на ўсё 100!
Ужо жадаеце адправіцца ў шлях? Гэта лёгка ўладкаваць! Сярод нашых прапаноў вы сапраўды знойдзеце штосьці сабе па душы!
ПАДАРОЖНІЧАЦЬ - ЗНАЧЫЦЬ ЖЫЦЬ!
Падпішыся на рассылку!
Цікавыя падарожжы па Беларусі, гайды па гарадах, парады па санаторыях, гастратуры,
навіны і акцыі з лепшымі коштамі на адпачынак.
Гірудатэрапія і іншыя незвычайныя працэдуры ў беларускіх санаторыях
Афіша фэстаў у Беларусі 2021: куды адправіцца за эмоцыямі
Лашчымся з карысцю: лячэбныя ванны ў санаторыях Беларусі
1
2...
517