Хваробы органаў дыхання: дзе ў Беларусі дыхаць лягчэй?

Жадаеце трохі статыстыкі? Хваробы лёгкіх і бронхаў зараз лідыруюць сярод усіх захворванняў: на іх долю даводзіцца 41% і 53% адпаведна. Калі прызадумацца, гэта пужае, аднак не значыць, што ваш кашаль абавязкова прывядзе да страшных наступстваў, не варта турбавацца загадзя.

З другога боку, чаму б не заняцца прафілактыкай хвароб органаў дыхання цяпер, каб сапраўды не бегаць па лекарах у будучыні? Ці вас ужо штосьці турбуе і вы жадаеце падлячыцца і адпачыць? VETLIVA гатовы даць раду: калі ёсць сумненні наконт органаў дыхальнай сістэмы, адпраўляйцеся ў санаторый! Чаму? Давайце разбірацца разам.

Дыхаем поўнымі грудзьмі: хваробы органаў дыхання і іх лячэнне

Асновай лячэння захворванняў органаў дыхання з'яўляецца клімататэрапія — выкарыстанне пагодна-кліматычных фактараў у лячэбных мэтах — і некаторыя спецыяльныя методыкі, як напрыклад інгаляцыі, азона- і гідратэрапія, гразелячэнне і іншыя.

Вядома, мора ў Беларусі няма, аднак вялікая колькасць мінеральных крыніц і высакакласнае абслугоўванне ў санаторыях змогуць паспаборнічаць з марскім паветрам па карысці і эфектыўнасці.

• Санаторый «Сосны». Гэтая здраўніца размясцілася на беразе возера Нарач. Усе мясцовыя працэдуры, пачынаючы з гідракалонатэрапіі і заканчвааючы інфрачырвонай саунай, —  гэта выдатная прафілактыка і добры старт у лячэнні нават самых запушчаных хвароб. І нават сама назва санаторыя намякае, чаму яго варта наведаць: усе мы ведаем пра выдатны ўплыў ігліцы на нашы лёгкія.

• Санаторый «Шыннік». Лячэнне захворванняў органаў дыхання марской вадой? Канешне, так! Але дзе знайсці мора ў Беларусі? Яго не абавязкова шукаць: у гэтай утульнай здраўніцы на беразе ляснога возера паспяхова практыкуецца таласатэрапія — лячэнне марской вадой і гразямі. Так што вам  не прыйдзецца купляць дарагія квіткі на самалёт, каб удыхнуць марскі пах: усё літаральна пад рукой! А лакальная тэрматэрапія, кедравая бочка, некалькі сеансаў класічнай інгаляцыі і сухой вуглякіслай ванны ўзмоцняць эфект і пазбавяць вас ад недамаганняў.

• Санаторый «Вясёлка». Гэта райскае мястэчка знаходзіцца пасярод ляснога масіва, удалечыні ад забруджаных і шумных гарадоў: ніякага смогу! Толькі чыстыя абшары, кедравая бочка, лячэбныя душы і электрасон. Ніякіх старажытных метадаў лячэння, толькі самыя перадавыя і правераныя тэхналогіі для вашага аздараўлення.

• Санаторый «Пралеска». Гэта ўтульная здраўніца знаходзіцца ў курортнай зоне Ждановічы і акружана сухім хваёвым борам: сама прырода тут дапамагае ў аздараўленні. Гразелячэнне, фіта- і ароматэрапія — заўсёды актуальная класіка ў барацьбе з хваробамі органаў дыхання. І, вядома, самыя лепшыя лекі — гэта прыемныя эмоцыі, якія вам забяспечаць шматлікія культурна-забаўляльныя праграмы і канцэртныя вечары.

• Санаторый «Алеся». Прафілактыка хвароб органаў дыхання праводзіцца і на беразе Завышанскага возера. У гэтым санаторыі клімататэрапія выходзіць на новы ўзровень: дасатэрапія — яе разнавіднасць — разам з лячэбнымі ваннамі і геліятэрапіяй дае дзіўны эфект!

• Дзіцячы аздараўленчы цэнтр «Колас». Як бы гэта не было сумна, дзеці таксама схільныя да захворванняў дыхальных шляхоў. Аднак у гэтым санаторыі ваша дзіця не толькі атрымае першакласную медыцынскую дапамогу, але і абзавядзецца новымі сябрамі і захапленнямі: у здраўніцы адкрыта некалькі розных кружкоў на любы густ. З рэкамендуемых працэдур тут маюцца галатэрапія (саляныя пячоры), гразявыя аплікацыі, інфрачырвоная сауна і шматлікае іншае.

• Санаторый «Сосны» ў Магілёве. Што ж гэта, мы паўтараемся? Ды не, гэтыя «Сосны» знаходзяцца побач з Дняпром у асяроддзі змяшанага лесу, дзякуючы якому паветра тут выдатна насычана кіслародам. Здраўніца славіцца ўласнай мінеральнай крыніцай, на аснове вады з яе ажыццяўляецца мноства працэдур. Аэрафітатэрапія, якую таксама можна апрабаваць у гэтай санаторыі, ужываецца ў лячэнні захворванняў дыхальных шляхоў ужо шмат гадоў: у 90% пацыентаў назіраюцца значныя паляпшэнні.

• Санаторый «Баравое». Наш шлях да папраўкі пралягае паблізу ад Бярэзінскага біясфернага запаведніка. У гэтай па-экалагічнаму чыстай зоне размясціўся санаторый з уласнай мінеральнай крыніцай і сапраўды велізарным спектрам працэдур на любы густ і колер: вібра- і гідрамасаж, гразелячэнне, гальванізацыя і індуктатэрмія (так, захворванні органаў дыхання лечаць токам і магнітным полем). І не забывайце пра крыты пераход паміж карпусамі: у халодную пару года ён вас сапраўды пацешыць.

VETLIVA папярэджвае: ёсць шэраг вызначаных захворванняў і хвароб, з якімі санаторна-курортнае лячэнне проціпаказана: гэта лёгачна-сардэчная недастатковасць, хранічныя захворванні ў фазе абвастрэння, бранхіяльная астма і некаторыя іншыя. Перш, чым адпраўляцца ў санаторый, пракансультуйцеся са сваім лекарам.

Прадстаўленыя санаторыі — гэта далёка не поўны спіс здраўніц, якія дапамагаюць у лячэнні хвароб органаў дыхання! З поўным спісам і лепшымі прапановамі ад беларускіх курортаў вы можаце азнаёміцца прама тут.

Пазбаўляемся ад хвароб органаў дыхання і святкуем адначасова!

Людзі адзначаюць Новы Год па-рознаму: хтосьці дома, у акружэнні блізкіх членаў сям'і, хтосьці ляціць у цёплыя краіны з каханымі, хтосьці ўсю ноч гуляе з сябрамі. Мы ж прапанем усё адразу: вы можаце адпачыць з сям'ёй і каханымі нібы на курорце і пазнаёміцца з вашымі будучымі лепшымі сябрамі!

Шматлікія санаторыі з гэтага спісу прапануюць асаблівую праграму на Новы Год! Банкеты і музычныя шоў, прагулкі па заснежаным лесе і лепшыя вядучыя краіны, феерверкі і конкурсы з прызамі, адпачынак у лазні і віншаванні ад Дзеда Мароза: забавы на любы густ будуць чакаць вас у лепшых санаторыях Беларусі. Браніраванне ўжо пачалося, таму не адкладайце рашэнне ў доўгую скрыню: VETLIVA спецыяльна для вас падабраў толькі самыя лепшыя прапановы.  

А якія ў вас планы на Новы Год? Дзяліцеся імі ў каментарах! Стаўце лайкі, распавядайце сябрам пра вашага любімага гіда па Беларусі, сачыце за абнаўленнямі ў Блогу і памятайце: дыхаць заўсёды трэба поўнымі грудзьмі!

Чытайце таксама

Сапрапелевая гразь - панацэя ад усіх хвароб

Гірудатэрапія і іншыя незвычайныя працэдуры ў беларускіх санаторыях

Хваробы эндакрыннай сістэмы і як іх лячыць у санаторыі

Парушэнне абмену рэчываў: як не стаць заложнікам уласнага цела?

Вельмі жаночыя пытанні: гінекалогія ў санаторыях Беларусі