Сучасная Беларусь і яе асаблівасці

Беларусь - краіна, якая размяшчаецца ў самым цэнтры Еўропы і тэрытарыяльна мяжуе з пяццю дзяржавамі. На захадзе беларускія рэгіёны знаходзяцца на мяжы з Польскай Рэспублікай, на паўночным захадзе – з Літвой, на поўначы - з Латвіяй і Расіяй, на поўдні - з Украінай, а на ўсходзе і паўночным усходзе - з Расійскай Федэрацыяй.

Афіцыйная назва дзяржавы - Рэспубліка Беларусь. 

Беларусь з 1994 года стала прэзідэнцкай рэспублікай, а пост прэзідэнта краіны займае Аляксандр Лукашэнка. Афіцыйнай валютай краіны з'яўляецца беларускі рубель. 

Беларусь – краіна, дзе вельмі плённа развіваецца і падтрымліваецца на дзяржаўным узроўні сельская гаспадарка.

Сталіцай і найбуйнейшым населеным пунктам краіны з'яўляецца сучасны еўрапейскі горад Мінск з насельніцтвам 1 млн 974,8 тыс. человек.. Горад з'яўляецца буйным транспартным цэнтрам: тут маецца міжнародны аэрапорт, вялікі чыгуначны вакзал і аўтавакзал, метро. 

Герб, флаг і гімн Рэспублікі Беларусь

Сімваламі дзяржаўнай незалежнасці краіны з'яўляюцца беларускі сцяг, гімн і герб.

Беларускі сцяг складаецца з дзвюх гарызантальных палос чырвонага і зялёнага колеру і вертыкальна змесцаванага злева чырвонага беларускага арнаменту на белым фоне.

Дзяржаўны герб Рэспублікі Беларусь – гэта контур меж краіны зялёнага колеру  ў праменях узыходнага над зямлёй сонца з пяціканцовай чырвонай зоркай у верхняй частцы, апраўленай каласамі пшаніцы, канюшынай і кветкамі лёну. Пшанічна-кветкавы вянок тры разы абвіты стужкай чырвона-зялёнага колеру, а ў цэнтры на фоне стужкі змесцаваны залацісты надпіс «Рэспубліка Беларусь».

Гімн Рэспублікі Беларусь – гэты музычны твор, кампазітарам якога з'яўляецца Нестар Сакалоўскі, а аўтарамі слоў – Міхал Клімковіч і Уладзімір Карызна. За аснову гімна была ўзята музыка афіцыйнага гімна БССР. Тэкст дзяржаўнага гімна робіць акцэнт на суверэннасці Беларусі, міралюбстве, памяркоўнасці і працавітасці яе народа.

Геаграфічнае становішча і прыродныя рэсурсы Беларусі

Галоўная тэрытарыяльная асаблівасць Беларусі - цэнтральна-еўрапейскае геаграфічнае становішча - станоўча ўплывае на эканамічную супрацоўніцасць з прыгранічнымі рэгіёнамі і іншымі краінамі.

Тэрытарыяльна краіна падзяляецца на шэсць абласцей са сваімі абласнымі цэнтрамі: Мінская, Гомельская, Магілёўская, Брэсцкая, Віцебская і Гродзенская.

У беларускім ландшафце пераважаюць раўніны, амаль палову тэрыторыі займаюць палі, лугі і лясы. Нашу краіну часта называюць сінявокай, таму што ў Беларусі больш за трынаццаць тысяч вадаёмаў (азёр і рэк) дзівоснай прыгажосці. Самыя глыбокія і маляўнічыя вадаёмы знаходзяцца ў Беларускім Паазер'і.

Адна з галоўных водных славутасцяў Беларусі - найбуйнейшае на яе тэрыторыі возера Нарач, плошча якога складае каля 79 квадратных кіламетраў. Яно знаходзіцца ў Мінскай вобласці ў Нарачанскім нацыянальным парку. Самая вялікая колькасць азёр і вядомы нацыянальны парк «Браслаўскія азёры» знаходзіцца ў паўночным рэгіёне краіны, які яшчэ часта завуць Беларускім Паазер'ем.

Вялікая частка беларускіх азёр мае глыбіню не больш за пяць метраў, але ёсць таксама каля 6 адсоткаў вадаёмаў, глыбіня якіх дасягае 20 метраў і больш.

Прыродныя рэсурсы на тэрыторыі Беларусі прадстаўлены 30 відамі карысных выкапняў. На першым месцы сярод энергарэсурсаў знаходзіцца торф. Так як у краіне вялікая колькасць балот, радовішча торфу дастаткова багатыя і маюцца ў кожнай вобласці. Сярод мінеральных выкапняў самым каштоўным багаццем Беларусі застаецца каменная соль і калій. Па запасах калійных угнаенняў рэспубліка ўваходзіць у сусветную пяцёрку пастаўшчыкоў. 

Беларускі клімат

Умерана-кантынентальны клімат і ўмовы надвор'я Беларусі фармуюцца пад уздзеяннем атлантычных паветраных мас. У краіне звычайна нядоўгае лета з сярэдняй тэмпературай каля 18-22 °C, адносна мяккая, часам халодная зіма, дажджлівая восень і вясна. Сярэдняя тэмпература ўзімку рэдка апускаецца ніжэй -8 °C. Беларускаму клімату характэрны рэзкія перапады тэмператур у любы сезон.

Насельніцтва Рэспублікі Беларусь

На сённяшні дзень у Беларусі пражывае каля 9,5 мільёнаў чалавек. З 90-х гг. колькасць насельніцтва краіны паступова скарачалася, але ў апошні час назіраецца павелічэнне нараджальнасці, чаму шмат у чым спрыяе дзяржаўная дэмаграфічная палітыка. У параўнанні са статыстычнымі дадзенымі за 2016 год, у 2017 годзе насельніцтва Беларусі павялічылася на 6,3 тыс. чалавек.

У Мінску, сталіцы Беларусі, пражывае каля 17% насельніцтва краіны. Самая высокая шчыльнасць насельніцтва ў Мінскай вобласці (81 чал / км.кв).

Беларускаму насельніцтву характэрны такія рысы, як талерантнасць і гасціннасць. Шмат у чым гэта звязана з гістарычнымі падзеямі, праз якія прайшоў беларускі народ. На сённяшні дзень у рэспубліцы пражываюць розныя нацыянальнасці і народнасці са сваімі рэлігіямі і мовамі. Асноўную масу насельніцтва краіны складаюць беларусы (81,2%). На другім месцы - грамадзяне Расii (8,2%). Таксама ў краіне пражываюць палякі, украінцы, габрэі, армяне і іншыя нацыянальныя меншасці.

Большасць грамадзян Беларусі размаўляе на рускай мове, хоць у краіне існуе дзве афіцыйныя мовы. Беларускамоўнае насельніцтва можна сустрэць у Заходняй Беларусі.

На афіцыйным і заканадаўчым узроўні ў краіне падтрымліваецца памяркоўнасць да ўсіх веравызнанняў. Самай распаўсюджанай рэлігіяй у рэспубліцы з’яўляецца хрысціянства. Хрысціяне Беларусі вызнаюць (праваслаўе, каталіцызм, уніяцтва, пратэстантызм). Апроч гэтых у краіне вызнаюць юдаізм, іслам, індуізм і іншыя канфесіі.

Дзе адпачыць у Беларусі

Турыстычны патэнцыял рэспублікі Беларусь вельмі высокі. Усё большая колькасць людзей аддае перавагу пляжнаму адпачынку на рэках і азёрах, якімі славіцца наша краіна. Развіццё і арганізацыя турызму ў Беларусі мае высокі ўзровень, а выдатныя цэны на турыстычныя паслугі дазваляюць адпачываць тут і беларусам, і жыхарам Расіі, а таксама гасцям з далёкага і блізкага замежжа. Дзякуючы сваёй чыстай прыродзе і экалогіі, Беларусь валодае перспектывамі хуткага і плённага развіцця турызму, чаму нямала спрыяюць і нацыянальныя турыстычныя агенцтвы і кампаніі, якія займаюцца распрацоўкай новых маршрутаў для вандроўнікаў.

Карысная інфармацыя для турыстаў, якія падарожнічаюць па Беларусі

Беларусь – вельмі спакойная і міралюбная дзяржава, але падчас наведвання кожнай краіны трэба ведаць, куды варта звярнуцца у экстранных выпадках.

Усе госці нашай краіны абавязаны мець пры сабе медычную страхоўку. Калі вы захварэлі ці маеце патрэбу ў экстраннай медычнай дапамозе, трэба патэлефанаваць па нумары страхавой службы, указаным у медычным полісе ці па тэлефоне хуткай медычнай дапамогі – 103.

Калі вы трапілі ў непрыемную сітуацыю, сталі сведкам ці ахвярай злачынствы, трэба звярнуцца у міліцыю па тэлефоне 102.

Пра пажар можна паведаміць па тэлефоне 101.

 Для даведкі пра наяўнасць і расклад чыгуначнага транспарту можна звярнуцца па нумары 105, даведацца пра авія-паведамленні па телефэне 106, аўтавакзал – 114.