10 ідэй для файнага адпачынку ў Беларусі з дзецьмі

a:2:{s:4:"TEXT";s:25261:"

Летнія канікулы ў самым разгары, а паездка на мора вам толькі сніцца? Гэта не нагода сумаваць! У нашай краіне ёсць столькі файных месцаў, дзе (ручаемся!) вы яшчэ не бывалі. А пра некаторыя можа быць нават і не чулі. Такім чынам, куды з'ездзіць з дзіцем у Беларусі? Лавіце 10 файных ідэй ад VETLIVA!

1. Адпачынак у Мінску і наваколлях
• Апускаемся ў свет спорту і міфалогіі
• Катаемся на танку
• Разбіраемся ў канструкцыі БЕЛАЗа
• Правяраем вестыбулярны апарат
2. Адпачынак у Беларусі на выхадныя з дзецьмі

• Шукаем скарбы ў замках
• Знаёмімся з зубрамі і Дзедам Марозам
• Здзяйсняем кругасветнае падарожжа
• Адпраўляемся ў госці да страўсаў
• Знаёмімся з качэўнікамі і хаскі

Адпачываем у Мінску

Сямейны адпачынак у Беларусі можна арганізаваць па-рознаму. Ён можа быць актыўным і пазнавальным, захапляльным і спакойным. І калі ў вас ужо скончыліся ідэі, чым яшчэ здзівіць ваша дзіця, мы зараз падкажам некалькі цікавых ідэй, якія дапамогуць весела правесці час з дзіцём.

Лета ў Сілічах

Адрас: Мінская вобласць, Лагойскі раён, РГЦ «Сілічы»

Як яшчэ больш згуртаваць сям'ю? Мы падкажам адказ: правядзіце лета ў Сілічах! Вядомы гарналыжны курорт прапануе новы фармат адпачынку ў Беларусі з дзіцем. Усё роўна, ці абярэце вы праграму на 3 ці 7 дзён — станоўчымі эмоцыямі і ўражаннямі будзе насычана кожнае імгненне, праведзенае тут.

Вас чакаюць:

• захапляльныя даследаванні флоры і фаўны Мінскага ўзвышша;
• турнір па стральбе з лука, дзе кожны зможа паспрабаваць атрымаць тытул мясцовага Робін Гуда;
• выпечка хлеба, знаёмства з героямі беларускай міфалогіі і вандраванне па зорным небе;
• матчы па валейболе і футболу;
• гістарычны квэст «Выратаванне Пане Каханку», у якім зможа атрымаць перамогу толькі згуртаваная сям'я.

Правядзіце гэта лета так, каб уражанняў хапіла на ўсю зіму!

Паездка на «Лінію Сталіна»

Адрас: 31-шы км трасы Мінск-Маладзечна

Пакатацца на сапраўдным танку? Чаму б і...так! На «Лініі Сталіна» экспанаты можна не толькі сфатаграфаваць, але і дакрануцца, пасядзець унутры і нават ліха пракаціцца на цяжкай тэхніцы. Які хлапчук не марыць пра гэта! Ды і дзяўчынкі не адмовяцца ад такога адпачынку. А калі вы вырашыце праехацца на бронеаўтамабілі БА-11, то зможаце яшчэ і пастраляць з яго гарматы! Згадзіцеся, гэта больш весела, чым віртуальныя баталіі ў гульнях пра танкі.

Занатуйце: у гісторыка-культурным комплексе «Лінія Сталіна» ўвесь час ладзяцца розныя мерапрыемствы. Так што калі жадаеце атрымаць яшчэ больш эмоцый і файных уражанняў, заплануйце паездку на якое-небудзь профільнае свята, напрыклад, Дзень дэсантнікаў і сіл спецыяльных аперацый, Дзень танкіста ці Дзень ракетных войскаў і артылерыі. Каманда музея прыкладвае ўсе намаганні, каб рэканструіраваць знакавыя бітвы розных часоў, а таму апусканне ў атмасферу вас чакае проста нерэальнае!

У госці да БЕЛАЗаў

Адрас: Мінская вобласць, г. Жодзіна, вуліца 40 гадоў Кастрычніка, 4

Толькі паглядзіце, якімі мініяцюрнымі выглядаюць дарослыя людзі на фоне монстра айчыннага аўтапрама! Завод, дзе вырабляюць велічныя БЕЛАЗы, з якімі вы пазнаёміцеся на гэтай экскурсіі, з'яўляецца выдатным варыянтам для адпачынку з дзецьмі ў Беларусі. Ніводны малыш не застанецца абыякавым, убачыўшы ўжывую такога гіганта! А ўжо калі ён апынецца ў кабіне самаскіда — пішчаць ад захаплення будуць і дзеці, і дарослыя. Ехаць ад Мінска ўсяго нічога, а эмоцыі будуць незабыўныя!

Рада ад VETLIVA: калі ўжо часу на паездкі зусім не хапае, а ваша дзіця засумавала па новых уражаннях, вы можаце звадзіць яго ў музей ката ці «Краіну мініяцюр», правесці некалькі гадзін у аквапарку ці праверыць сваю кемлівасць у квэст-пакоі. Наш гайд па забаўках у Мінску ў дапамогу!

Хата дагары нагамі

Адрас: Мінская вобласць, аг. Дукора, вул. Школьная, 15

На пытанне «Куды можна з'ездзіць з дзіцем, каб сапраўды здзівіць яго?» ёсць адзін цвёрды адказ: вас чакае Дукорскі маёнтак. Перавернутая хата — гэта вясёлае выпрабаванне для непадрыхтаваных людзей. Вачамі мы бачым, што пад нагамі звычайная падлога, але калі мозг спрабуе зразумець, чаму мэбля на столі, ён, як правіла, церпіць фіяска. А раптам вашаму дзіцяці гэта атрымаецца без праблем? Гэта значыць, што ў сям'і расце будучы касманаўт!

Ну і, вядома ж, хоць хата-пераверацень і з'яўляецца цвіком праграмы, Дукорскі маёнтак нездарма лічыцца адной з лепшых аграсядзіб Беларусі.

Тут ёсць:

• паляна казак, дзе ваша дзіця сустрэнецца з любімымі казачнымі персанажамі;
• прыгожыя гістарычныя будынкі;
• свой бровар — толькі дэгустацыя мясцовай прадукцыі строга 18+

Чытайце таксама

Гірудатэрапія і іншыя незвычайныя працэдуры ў беларускіх санаторыях

У пошуках экстрыму: аквапаркі ў Беларусі

Куды адправіцца за паўднёвым загарам: лепшыя пляжы Беларусі

Дажынкі ў Беларусі: ад гісторыі да сучаснасці

Лашчымся з карысцю: лячэбныя ванны ў санаторыях Беларусі