Замежнікі, якія прайшлі курс вакцынацыі ад каранавіруса, могуць не здаваць ПЦР-тэст на COVID-19 і не выконваць рэжым самаізаляцыі па прыездзе ў Беларусь. Пры гэтым няважна, з якой краіны яны заязджаюць. Але існуе шэраг умоў.

Поўны курс вакцынацыі павінен быць пройдзены не раней, чым за месяц і не больш, чым за 12 месяцаў да даты ўезду ў Беларусь. Якой менавіта вакцынай прышчэплены замежны грамадзянін усё роўна, галоўнае – прад'явіць сведчанне.

Калі ж замежнік прыехаў у Беларусь з мэтай прайсці вакцынацыю, то ад самаізаляцыі ён таксама вызваляецца. У краіне 82 установы, якія гатовы аказаць гэтую паслугу прыезджым. Поўны курс вакцынацыі абыйдзецца ў 130-150 BYN. Зрабіць прышчэпку неабходна на працягу 5 сутак з даты ўезду ў краіну. Другі кампанент можна будзе атрымаць праз 21-90 дзён пасля першага.

Калі курс вакцынацыі не пройдзены і прышчапляцца грамадзянін не мае намер, то апроч ПЦР-тэсту па прыездзе прыйдзецца адправіцца яшчэ і на самаізаляцыю. Яе тэрмін, дарэчы, скарацілі з 10 да 7 дзён. Самаізаляцыя ў такім выпадку абавязковая як для замежных грамадзян, так і для беларусаў, якія вярнуліся з краін з неспрыяльным эпідэміялагічным становішчам.

Што да ПЦР-тэсту, то з 14 ліпеня 2021 года вынік даследавання можна прад'яўляць не толькі на папяровым носьбіце, але і ў электронным выглядзе – у мабільным прыкладанні «Падарожнічаю без COVID-19».

Чытайце таксама

Станьце часткай «VETLIVA CLUB»: усё пра праграму лаяльнасці

Чаму варта наведаць Палескі радыяцыйны запаведнік

Звярнуцца да народных традыцый і заняцца спортам: у Сілічах прапануюць адпачываць па-новаму

ТОП-5 файных напрамкаў для адпачынку ў Беларусі

У Міёрскім раёне з'явіцца новы веламаршрут