29.07.2021 Мёры
Недалёка ад рэспубліканскага заказніка «Ельня» ў Міёрскім раёне хутка з'явіцца новы роварны маршрут.
Стартаваць ён будзе ад сядзібы «Жураўліная Ельня», далей будзе пралягаць міма глухіх вёсачак, азёр, касцёла, школы, экасцежкі заказніка, дамбы, старой сядзібы. Турысты змогуць трохі адхіліцца ад курсу і наведаць знакамітыя вадаспады на рацэ Вята паблізу вёскі Пруднікі.
Маршрут закальцаваны. Яго агульная працягласць — 76 кіламетраў. У будучыні на маршруце з-за яго даўжыні плануюць пабудаваць веластанцыі, каб вандроўцы маглі адпачыць.
На дадзены момант вучні мясцовай школы абкатваюць веламаршрут і даюць свае заўвагі, каб зрабіць яго найбольш зручным для адпачываючых.
1
2...
517