У кожным горадзе ёсць аб'екты, прысвечаныя Вялікай Перамозе. Адзін з самых цікавых мемарыяльных комплексаў знаходзіцца ў паўночным абласным цэнтры. Манумент «Тры штыкі» (у народзе «Траячка») велічна ўзвышаецца на плошчы Перамогі — самай вялікай у краіне. Ён створаны ў гонар салдатаў-вызваліцеляў, партызан і падпольшчыкаў. Помнік нагадвае пра жахі вайны і вялікую ахвяру савецкага народа.

«Тры штыкі» ў Віцебску: гісторыя і знешняе аблічча

Над праектам працавалі скульптары Б. Маркаў, Я. Печкін і архітэктар Ю. Шпіт. Тэхнічная дакументацыя была падрыхтавана ў 1971 годзе. Працы завяршыліся ў 1974 годзе. Мемарыяльны комплекс у Віцебску адкрылі ў гонар 1000-годдзя горада і 30-годдзя з дня вызвалення ад нямецка-фашысцкіх захопнікаў.

Манумент уяўляе сабою тры 56-мятровыя трапецападобныя пілоны-абеліскі. Уверсе яны звужаюцца і аб'яднаноўваюцца з дапамогай маналітнага фрыза на вышыні 5 м. На ўнутраных гранях помніка «Тры штыкі» ў Віцебску нанесены мемарыяльныя надпісы. Скульптурныя малюнкі на фрызе сімвалізуюць партызан, падпольшчыкаў і ваяроў. На подыуме гарыць Вечны агонь. Побач размешчаны пілоны з нанесенымі гадамі ВАВ. Каб зразумець, што сімвалізуюць «Тры штыкі» ў Віцебску, лепш за ўсё прыйсці на плошчу Перамогі і аддаць даніну памяці несмяротнаму подзвігу народа.

Рэканструкцыя

У 2009 годзе пачаліся рэстаўрацыйныя працы. Асфальт быў заменены чырвонай тратуарнай пліткай. Бронзавыя скульптуры каля абеліска ачысцілі, затаніравалі і пакрылі воскам. Замест сквера высадзілі туі, усталявалі сцэну і святлодыёдныя экраны. Яшчэ недалёка ад мемарыяльнага комплексу «Тры штыкі» ў Віцебску з'явіліся фантаны і дадатковае падсвячэнне. Рэканструкцыю завяршылі ў 2010 годзе.

Мерапрыемствы ў гонар дзяржаўных свят праводзяцца менавіта ў гэтым месцы. Узімку тут заліваюць коўзанку, а перад Новым годам плошчу ўпрыгожвае елка.

Якія памятныя месцы яшчэ паглядзець

Каб убачыць іншыя помнікі Вялікай Айчыннай вайны ў Віцебску, пажадана наведаць парк Перамогі. Ён размешчаны побач з мемарыялам. Там ёсць Алея вайсковай славы, дзе прадстаўлена ваенная тэхніка. Падчас прагулкі вам адкрыецца столькі цікавых месцаў, што вы не заўважыце, як праляціць час!

Яшчэ ў Віцебску ёсць ваенны помнік у гонар лётчыка А. Гараўца. У ліпені 1943 ён уступіў у бой з 20 бамбавікамі і збіў 9 самалётаў, што стала рэкордам. Гаравец пасмяротна атрымаў званне Героя Савецкага Саюза.

Кажучы пра помнікі ў Віцебску, звязаныя з ВАВ, нельга не згадаць скульптуру «Дзецям вайны». На прыступках сядзяць ашаломленыя роспаччу хлопчык і дзяўчынка. Яны глядзяць на апошні кавалачак хлеба… У гэтай кампазіцыі захавана вялікая трагедыя.

Пра іншыя старонкі гісторыі Беларусі і славутасці Віцебску вы можаце даведацца падчас экскурсіі ці шматдзённага тура. Калі плануеце самастойную паездку, вывучыце міні-гайд па культавых аб'ектах Віцебшчыны.