Віцебшчына: міні-гайд для турыста

Такім чынам, вы плануеце падарожжа па Віцебшчыне, але яшчэ не ведаеце, дзе спыніцца і што паглядзець? Міні-гайд ад VETLIVA стане выдатным памочнікам для вас.

Куды схадзіць у Віцебску

Практычна любое падарожжа пачынаецца са сталіцы, а мы пачнём наш маршрут з абласнога цэнтра. Велічны Віцебск — гэта горад, які падарыў свету Марка Шагала, таму нядзіўна, што дом-музей мастака абавязковы да наведвання. Аматары архітэктуры будуць проста зачараваны цэлай плеядай віцебскіх храмаў:

• Успенскі сабор, размешчаны на ўзвышэнні,

• беласнежная Васкрасенская царква,
• Дабравешчанская царква,
• Пакроўскі сабор,
• царква святога Аляксандра Неўскага,
• вытанчаны касцёл Святой Варвары.

А яшчэ ў Віцебску жыў… Напалеон! Так-так, вось гэты велічны будынак пад назвай Губернатарскі палац некаторы час служыў вялікаму палкаводцу рэзідэнцыяй.

Каб не абмяжоўваць сябе ў часе, рэкамендуем спыніцца ў апартаментах. Прыехаўшы ў Віцебск з сябрамі ці сям'ёй, вы ўбачыце, што гэта лепшы варыянт пражывання. Большасць кватэр, якія можна зняць на суткі, знаходзяцца ў крокавай даступнасці ад цэнтра горада, дзе сканцэнтраваны практычна ўсе славутасці.

Адпраўляемся далей: тур па выбітнасцях Віцебскай вобласці

Выязджаючы з Віцебску, абавязкова зазірніце ў вёску Здраўнёва. Чым яна славіцца, спытаеце вы? Тут знаходзіцца драўляная сядзіба знакамітага рускага жывапісца Іллі Рэпіна, дзе адкрыта экспазіцыя яго прац і асабістых рэчаў. Дзе яшчэ вы зможаце дакрануцца да спадчыны творцы з сусветным імем!

Далей адпраўляемся ў Оршу. Гэты горад заслугоўвае асобнага згадвання ў нашым артыкуле. Чаго тут толькі няма! Велічныя храмы, Калегіум Езуітаў, Мемарыяльны комплекс «Кацюша» і нават помнік паравозу.

А спыніцца можна ў гасцініцы «Орша» — адной з самых камфартабельных і недарагіх у горадзе.  

На Віцебшчыне знаходзіцца прыродная жамчужына Беларусі — Бярэзінскі біясферны запаведнік. Не адмоўце сабе ў задавальненні палюбавацца яго прыгажосцямі! А VETLIVA распавядзе пра лепшыя варыянты размяшчэння тут — гасцінічныя комплексы «Сергуч» і «Плаўна».

Забудзьцеся пра паўсядзённую мітусню і дазвольце сабе расслабіцца. Развітая інфраструктура, камфортныя нумары і маляўнічае наваколле — што яшчэ трэба для шчасця?

Віцебшчына — край, які выклікае прыхільнасць да размеранага і спакойнага адпачынку. Тут нават можна заняцца… дайвінгам! Дастаткова адправіцца ў нацыянальны парк «Браслаўскія азёры», зняць нумар ці катэдж у адной з баз адпачынку, да прыкладу, «Леошкі», «Дрывяты» ці «Золава» і атрымліваць асалоду ад крышталёва чыстай і празрыстай вады.

Самае «смачнае» мы пакінулі пад канец. Такім чынам, наперадзе Полацак – самы старажытны беларускі горад і яго знакаміты Сафійскі сабор. Ад велічы храма захоплівае дух!

У Полацку размешчана мноства унікальных славутасцяў:

Калі ў вас ёсць час і магчымасць, абавязкова з'ездзіце ў невялікую вёсачку Відзы, размешчаную практычна на мяжы з Літвой. Навошта, спытаеце вы? Адказ ніжэй.

Вочы вас не падманваюць, гэта не Парыж, а Беларусь! Касцёл Раства Дзевы Марыі ў вёсцы Відзы — не толькі адзін з самых пышных храмаў нашай краіны, але яшчэ і той, што уваходзіць у тройку самых высокіх. Згадзіцеся, такую прыгажосць трэба ўбачыць ужывую.

Падарожжа па Віцебшчыне: заканчэнне займальнага тура

Віцебская вобласць — выдатны беларускі рэгіён, проста створаны для вандраванняў. Ён падорыць незабыўныя ўражанні і эмоцыі, у чарговы раз пераконваючы вас у тым, наколькі выдатная Беларусь. Падарожнічайце разам з VETLIVA!

Чытайце таксама

"Невядомая Беларусь": куды пайсці, куды падацца?

Што паглядзець у Мінску за 3 дні?

Гайд па Гомелю і яго выбітнасцях

Ад Брэсцкай крэпасці да чыгуначнага вакзала: гайд па Брэсту

Гайд па Гродна: адкрываем для сябе каралеўскі горад