Шклоў — раённы цэнтр з 500-гадовай гісторыяй. Мястэчка размешчана ў Магілёўскай вобласці. У шматлікіх людзей узнікаюць асацыяцыі з вырошчваннем агуркоў, якія, дарэчы, некалі пастаўлялі да стала Кацярыны II. Горад таксама славіцца велізарным паркам, закладзеным у канцы XIX стагоддзя, старадаўнімі цэрквамі і незвычайнымі скульптурамі. Можна сказаць, што сярод усіх славутасцяў Шклова помнік агурку выклікае найбольшую цікавасць.

Скульптура стала сапраўдным сімвалам «агурочнай сталіцы». Вясёлая гародніна ў пінжаку з гальштукам-бабачкай усім паднімае настрой. У адной руцэ яна трымае кошык, у іншай —  кветку.

Помнік агурку: гісторыя ўзнікнення

У раённым цэнтры штогод адзначаюць свята збору летняга ўраджая. Яно суправаджаецца выставамі, кірмашамі і канцэртамі. Адкрыццё помніка агурку ў Шклове было прымеркавана да гэтай падзеі ў 2007 годзе.

Аўтар скульптуры — Андрэй Вараб'ёў. У гарадской кампазіцыі ён увасобіў лагодны вобраз мясцовых жыхароў, якія займаюцца вырошчваннем і продажам гародніны.

Дзе знаходзіцца помнік агурку

Ёсць павер'е: каб прыцягнуць шчасце і фінансавы поспех, трэба пацерці кішэнь скульптуры. Чаму б не праверыць? Яна размешчана насупраць гарадскога парку. Дом культуры — яшчэ адзін арыенцір, калі вы захочаце зрабіць фота каля помніка агурку. Дарэчы, абавязкова прагуляйцеся па парку. Пашпацыруйце па ўтульных алеях і палюбуйцеся на 300-гадовую таполю!

Шклоў — не адзіны горад, дзе існуе помнік агурку. Ён ёсць і ў Альшанах (Брэсцкая вобласць). Ідэя ўсталяваць скульптуру належыць уладальнікам кафэ. Мясцовая славутасць знаходзіцца на пляцоўцы поруч з установай.

Падмаскоўнае мястэчка Луховіцы таксама можа пахваліцца помнікам агурку-бацюхне. Мясцовыя жыхары ім ганарацца. Яго ўсталявалі ў гонар 50-годдзя горада. Гэта візітная картка Луховіц.

Што яшчэ паглядзець у «агурочнай сталіцы»

Падчас экскурсіі па Шклове наведаеце і іншыя славутасці. Гэты горад, дзе стаіць помнік агурку, дакладна спадабаецца вам сваім каларытам!

• Гарадская ратуша;

• Спаса-Праабражэнская царква;

• Касцёл Пятра і Паўла;

• Алея герояў.

Прыязджайце ў Шклоў, каб папоўніць скарбонку ўражанняў!

Незвычайныя помнікі Беларусі

Крэатыўныя скульптуры ёсць у шматлікіх беларускіх гарадах. Пра ўсё ў адным артыкуле расказаць даволі цяжкаі. Напэўна вам спадабаюцца наступныя помнікі:

• Слоік згушчонкі (Рагачоў) — яна зроблена з рознакаляровай мазаікі і знаходзіцца насупраць малочна-кансервавага камбіната;

• Бабёр (Бабруйск) — бронзавы звярок пасміхаецца і прыўздымае капялюш над галавой. На поспех раяць пацерці ланцужок, што цягнецца ад гадзінніка на брушку бабра,;

• «Ў нескладовае» (Полацк) — аналагаў гэтай літары няма ні ў адной мове свету, акрамя беларускай. Мясцовыя жыхары ганарацца гэтай унікальнай славутасцю Беларусі;

• Астролаг (Магілёў) — мясцовая знакамітасць знаходзіцца на Плошчы зорак. Скульптуру атачаюць крэслы, якія сімвалізуюць знакі задыяку. Прысядзьце на адзін з іх, каб загадаць жаданне.

Каб убачыць усе гэтыя і іншыя помнікі, забраніруйце экскурсію па Беларусі. Толькі ўявіце, колькі крэатыўных фатаграфій вы зможаце зрабіць!