Аб'ект размешчаны на маляўнічым беразе возера Гарадзішчанскае. Комплекс атрымаў назву «Цішыня». Гэта тлумачыцца адасобленасцю тэрыторыі. Але не спяшайцеся рабіць высновы! Гэта не тое месца, дзе будзе сумна.

Тут гасцям прапануюць займальныя пешыя прагулкі, расслаблены адпачынак на беразе і катанне па возеры на лодцы ці байдарцы. Для гасцей тут ёсць цэлы набор цікавых лакацый: назіральная вышка, пірс, альтанка, тэрыторыя для барбекю, фатазона і экалагічная сцежка.

Месца абралі невыпадкова, у 20 стагоддзі тут размяшчаліся байдарачны цэнтр і «Хата турызму». Тады сюды масава прыязджалі турысты, каб адпачыць у маляўнічых месцах.

Дарэчы, недалёка (на паўднёвым усходзе) размешчана яшчэ адно прыгожае месца – возера Блуднае і аднайменная экасцежка. Яе маршрут праходзіць па тэрыторыі, дзе да нашых дзён захаваліся поймавыя сенажаці і нізінныя асаковыя балоты, характэрныя для Беларусі.

Дабрацца да экалога-турыстычнага комплексу можна трыма спосабамі: 

• на аўтамабілі, побач якраз праходзіць траса P-8; 

• на адным з чатырох аўтобусаў, якія курсуюць паміж мястэчкам Гарадзішча і Пінскам. Патрэбны вам прыпынак завецца «Заазер'е». 

• на цягніку. Праз станцыю «Ясельда» часта ездзіць цягнік, які курсуе па маршруце Лунінец-Брэст-Цэнтр.

Чытайце таксама

Экалагічная сцежка на балоце Ельня павялічыцца на 1 км

Будынкі Мінска ў складанцы архітэктуры мадэрнізму папулярнага праекта

Дзе на Браслаўскіх азёрах дазволена адпачываць турыстам у 2021 годзе

ТОП-10 самых папулярных музеяў Беларусі за 2020 год

Дабрацца ў Мінск усё прасцей: ўводзяць прамыя рэйсы з Кыргызстана, Грузіі і Расіі