Публічная аферта на заключэнне дагавора аказання паслуг

Гэты дакумент з’яўляецца публічнай прапановай (афертай) рэспубліканскага ўнітарнага прадпрыемства “ЦЭНТРКУРОРТ” (220048, Рэспубліка Беларусь, г. Мінск, вул. Мяснікова, 39, каб. 338, УНП:100726604) (далей па тэксце – выканаўца) па прадастаўленні турыстычных, экскурсійных, транспартных паслуг, а таксама паслуг па пражыванні ў сродках размяшчэння, якія знаходзяцца на тэрыторыі Рэспублікі Беларусь. Дадзеная прапанова (аферта) адрасавана неабмежаванаму колу асоб.

У выпадку прыняцця (акцэпту) выкладзеных ніжэй умоў фізічная асоба, якая ажыццяўляе акцэпт гэтай аферты, становіцца заказчыкам (у адпаведнасці з п. 3 артыкула 408 Грамадзянскага кодэкса Рэспублікі Беларусь акцэпт аферты раўназначны заключэнню дагавора на ўмовах, выкладзеных у аферце), а выканаўца і заказчык сумесна – бакамі дагавора аказання паслуг.

Фактам прыняцця (акцэпту) заказчыкам умоў дадзенай аферты з’яўляецца 100% перадаплата заказчыкам выканаўцу заказаных ім паслуг у парадку і на ўмовах, вызначаных гэтай афертай (п.3 арт.408 Грамадзянскага кодэкса Рэспублікі Беларусь). Датай акцэпту дадзенай аферты, а такім чынам, момантам заключэння дагавора аказання паслуг паміж выканаўцам і заказчыкам будзе лічыцца дата залічэння грашовых сродкаў на разліковы рахунак выканаўцы.

У сувязі з выкладзеным вышэй, уважліва прачытайце тэкст гэтай аферты і азнаёмцеся з коштам паслуг.

Дагавор аказання паслуг (далей – дагавор аказання паслуг), аформлены ў вышэйапісаным парадку, лічыцца заключаным у простай пісьмовай форме (п.2, п.3 арт.404 і п.3 арт.408 Грамадзянскага кодэкса Рэспублікі Беларусь), не патрабуе афармлення на паперы і мае поўную юрыдычную сілу для бакоў.

Умовы дагавора аказання паслуг:

У дадзеным дагаворы ніжэйпрыведзеныя тэрміны маюць наступныя значэнні:

Сайт – інфармацыйны рэсурс Выканаўцы ў інтэрнэце, размешчаны па адрасе https://vetliva.by, https://vetliva.com, https://vetliva.ru.

Асабісты кабінет – інтэрнэт-старонка на Сайце, якая змяшчае інфармацыю пра заказчыка і яго браніраванні, доступ да якой прадастаўляецца Заказчыку Выканаўцам пры рэгістрацыі на Сайце.

Ліст браніравання – гэта электронна-лічбавы дакумент, які змяшчае нумар браніравання, пералік і кошт забраніраваных і аплачаных заказчыкам паслуг.

Сродак размяшчэння – гасцініцы, гатэлі, санаторыі, аздараўленчыя цэнтры, базы адпачынку і іншыя месцы адпачынку.

Нумар – асобнае мэбляванае памяшканне ў сродках размяшчэння, якое складаецца з аднаго або некалькіх пакояў, абсталяваных для часовага пражывання заказчыка, з усімі выгодамі згодна з катэгорыяй нумара.

Трэція асобы (трэцяя асоба) – фізічныя асобы, на карысць якіх заказчык заключае дадзены дагавор аказання паслуг.

Асноўныя паслугі – паслугі, адзначаныя ў Лісце браніравання.

Дадатковыя паслугі – паслугі, якія не адносяцца да Асноўных паслуг, што заказваюцца і аплачваюцца заказчыкам (трэцяй асобай) самастойна ў месцы атрымання паслугі/сродку атрымання паслугі ці прадастаўляюцца заказчыку (трэцяй асобе) на бязвыплатнай аснове.

Партнёр выканаўцы (тураператар, турагент, перавозчык, экскурсавод, санаторый, база адпачынку і інш.) – юрыдычная ці фізічная асоба, якая на падставе заключаных з выканаўцам Дагавораў непасрэдна аказвае заказчыку паслугі, набытыя апошнім адзначаным у дагаворы аказання паслуг спосабам, ці забяспечвае іх аказанне трэцімі асобамі.

ГЛАВА 1. ПРАДМЕТ ДАГАВОРА

1. Па гэтым дагаворы выканаўца абавязуецца аказаць заказчыку забраніраваныя паслугі, а заказчык абавязуецца аплаціць гэтыя паслугі прадугледжанымі на Сайце спосабамі.

2. Асаблівасці аплаты паслуг з дапамогай банкаўскіх плацежных карт адзначаны на Сайце выканаўцы. Калі ў плацежнай сістэмы ёсць падставы меркаваць, што аперацыя носіць ашуканскі характар, то банк мае права адмовіць у ажыццяўленні дадзенай аперацыі. Ашуканскія аперацыі з банкаўскімі картамі падпадаюць пад дзеяннеКрымінальнага кодэкса Рэспублікі Беларусь.

3. Вяртанне грашовых сродкаў, аплачаных заказчыкам з дапамогай банкаўскай плацежнай карты, магчымае толькі шляхам пераліку грашовых сродкаў на тую банкаўскую плацежную картку, якая была выкарыстана заказчыкам для аплаты паслуг.

4. Асаблівасці аплаты паслуг з дапамогай сістэмы “Разлік” (АРІП) адзначаны на сайце выканаўцы.

5. Вяртанне грашовых сродкаў, аплачаных заказчыкам з дапамогай сістэмы “Разлік” (АРІП), магчымы на банкаўскую карту ці разліковы рахунак банка, якія ўказваюцца ў заяве.

ГЛАВА 2. АГУЛЬНЫЯ ЎМОВЫ

6. Дадатковыя паслугі, якія заказчык выбірае па сваім жаданні ў сродку размяшчэння (у месцы адпачынку), якія не адзначаны ў Лісце браніравання, заказчык аплачвае самастойна.

7. Спазненне да пачатку засялення ў сродак размяшчэння не з’яўляецца падставай для прадаўжэння тэрміну пражывання ў выбраным заказчыкам сродку размяшчэння. Акрамя таго, у выпадку спазнення заказчыка да пачатку засялення ў сродак размяшчэння, датэрміновага ад’езду заказчыка са сродку размяшчэння ці незаезду ў сродак размяшчэння грашовыя сродкі за нявыкарыстаныя дні/паслугі выканаўцам заказчыку не вяртаюцца, за выключэннем выпадкаў вяртання выканаўцу яго партнёрам грашовых сродкаў за нявыкарыстаныя заказчыкам дні адпачынку/паслугі. Пры спазненні заказчыка да пачатку экскурсіі ці нез’яўленні паслуга лічыцца аказанай і кошт экскурсійных паслуг заказчыку не вяртаецца.

ГЛАВА 3. РЭГІСТРАЦЫЯ НА САЙЦЕ

8. Пры браніраванні паслуг заказчыку неабходна зарэгістравацца на Сайце, указаўшы адрас электроннай пошты, на які ажыццяўляецца рэгістрацыя. У выпадку адсутнасці рэгістрацыі заказчыка на Сайце, выканаўца мае права ажыццявіць рэгістрацыю заказчыка самастойна, непасрэдна пры ажыццяўленні ім браніравання. Рэгістрацыя ажыццяўляецца на адрас электроннай пошты, адзначаны Заказчыкам у адпаведным полі, які ў далейшым будзе выкарыстаны ў якасці лагіна да асабістага кабінета заказчыка на Сайце. Пры гэтым на ўказаны заказчыкам адрас накіроўваецца пароль для асабістага кабінета на Сайце.

9. Выканаўца не нясе адказнасці за дакладнасць і правільнасць інфармацыі, якая  прадастаўляецца заказчыкам пры рэгістрацыі.

10. Заказчык абавязуецца не паведамляць іншым асобам лагін і пароль, указаныя пры рэгістрацыі. У выпадку ўзнікнення ў заказчыка падазрэнняў адносна бяспекі яго лагіна і пароля ці магчымасці іх несанкцыянаванага выкарыстання іншымі асобамі заказчык абавязуецца неадкладна паведаміць пра гэта выканаўцу, накіраваўшы электронны ліст на адрас support@vetliva.com.

11. Увесь абмен інфармацыяй паміж бакамі адносна забраніраваных паслуг і выканання іншых сваіх абавязацельстваў па гэтым дагаворы аказання паслуг ажыццяўляецца праз электронную пошту, адрас якой указаны заказчыкам пры рэгістрацыі. У сувязі з гэтым заказчык абавязуецца рэгулярна, да самога моманту аказання паслуг, самастойна адсочваць бягучы статус свайго браніравання, у тым ліку правяраць сваю электронную пошту на прадмет атрымання інфармацыі аб магчымых зменах, а ў выпадку неабходнасці звяртацца за інфармацыяй да выканаўцы па тэлефоне, указаным на Сайце.

Выканаўца не нясе адказнасці за любыя наступствы, якія ўзнікаюць у сувязі з адсутнасцю ў заказчыка інфармацыі аб зменах у браніраванні, што адбыліся па незалежных ад выканаўцы прычынах (адмена браніравання, затрымка банкам заказчыка аплаты і г д.), пры ўмове прытрымлівання выканаўцам парадку апавяшчэння заказчыка аб любых зменах у браніраванні.

ГЛАВА 4. ПРАВЫ І АБАВЯЗКІ БАКОЎ

12. Выканаўца абавязаны:

12.1. Пасля аплаты заказчыкам паслуг выслаць на яго электронную пошту, указаную заказчыкам пры браніраванні паслуг, Ліст браніравання, які ўключае ўсе паслугі, забраніраваныя заказчыкам. Ліст браніравання будзе з’яўляцца падставай для атрымання заказчыкам забраніраваных і аплачаных паслуг.

12.2. Забяспечыць якасць, у тым ліку бяспеку, аказваемых паслуг.

12.3. Прымаць меры па захаванні правоў і законных інтарэсаў заказчыка (трэцяй асобы).

12.4. У выпадку адсутнасці мінімальнай колькасці чалавек (экскурсантаў), вызначанай праграмай экскурсіі, інфармаваць пра гэта заказчыка не пазней, чым за 10 каляндарных дзён да пачатку экскурсіі. У выпадку адсутнасці мінімальнай колькасці чалавек (экскурсантаў), вызначанай праграмай экскурсіі, дагавор спыняе сваё дзеянне пры ўмове вяртання выканаўцам заказчыку кошту аплачаных экскурсійных паслуг і інфармавання заказчыка ў тэрмін, вызначаны ў гэтым пункце.

13. Выканаўца не нясе абавязкаў па аплаце медыцынскіх расходаў заказчыка, якія ўзніклі ў перыяд аказання паслуг, у тым ліку тых, што не пакрываюцца страхоўкай, аформленай пры садзейнічанні выканаўцы.

14. Выканаўца мае права:

14.1. Патрабаваць ад заказчыка поўнай, праўдзівай інфармацыі, дакументаў, а таксама звестак пра сябе і трэцюю асобу ў аб’ёме, неабходным для выканання абавязацельстваў па гэтым дагаворы.

Пры гэтым заказчык дае сваю згоду на:

- унясенне і захоўванне выканаўцам персанальных даных заказчыка (трэцяй асобы) у электронных сістэмах;

- перадачу (перасылку) выканаўцам персанальных даных заказчыка (трэцяй асобы) іншым асобам/партнёрам выканаўцы.

14.2. Патрабаваць ад заказчыка пакрыццё прычыненых выканаўцу страт (нанесенага ўрону) у выпадках і парадку, устаноўленых заканадаўствам.

14.3. Замяніць перавозчыка, пункт адпраўлення ці прыбыцця, маршрут перавозкі без дадатковага ўзгаднення з заказчыкам пры ўмове захавання астатніх істотных умоў дагавора аказання паслуг.

15. Заказчык абавязаны:

15.1. Прадаставіць выканаўцу поўную і праўдзівую інфармацыю пра сябе (трэцюю асобу) у аб’ёме, неабходным для выканання выканаўцам абавязацельстваў па гэтым дагаворы.

15.2. У выпадку аднабаковай адмовы ад дагавора аказання паслуг пакрыць выканаўцу яго фактычныя расходы, панесеныя пры выкананні гэтага дагавора, уключаючы расходы, пералічаныя ў п.п. 28., 29. дадзенага дагавора.

15.3. Своечасова прыбыць у сродак размяшчэння, а таксама да месцаў збору і адпраўкі групы падчас здзяйснення экскурсіі.

15.4. Выконваць заканадаўства краіны (месца) часовага знаходжання, паважаць яе палітычны і сацыяльны лад, звычаі, традыцыі, рэлігіі насельніцтва.

15.5. Беражліва адносіцца да навакольнага асяроддзя, матэрыяльных гісторыка-культурных каштоўнасцей.

15.6. Выконваць правілы ўезду і выезду краіны (месца) часовага знаходжання (краін транзітнага праезду); выконваць правілы асабістай бяспекі.

15.7. Мець для ўезду/выезду аформленыя ва ўстаноўленым парадку ўязныя, выязныя і іншыя дакументы, якія патрабуюцца ў адпаведнасці з заканадаўствам краіны, на тэрыторыю, з тэрыторыі ці праз тэрыторыю якой будзе ажыццяўляцца праезд.

15.8. Выконваць правілы, уведзеныя кампетэнтнымі органамі Рэспублікі Беларусь адносна ўводзімых падаткаў мясцовага значэння.

15.9. Выконваць правілы пражывання ў сродку размяшчэння.

15.10. Выконваць умовы гэтага дагавора.

ГЛАВА 5. АДКАЗНАСЦЬ БАКОЎ

16. Бакі нясуць адказнасць за невыкананне ці неналежнае выкананне абавязацельстваў па дадзеным дагаворы ў адпаведнасці з заканадаўствам Рэспублікі Беларусь.

17. Бакі не нясуць адказнасці за невыкананне ці неналежнае выкананне абавязацельстваў па дадзеным дагаворы ў выпадку, калі гэта аказалася немагчымым з прычыны ўзнікнення абставін неадольнай сілы, гэта значыць надзвычайных і непазбежных у дадзеных умовах, такіх як: стыхійныя бедствы, ваенныя дзеянні, тэрарыстычныя акты, забаронныя рашэнні дзяржаўных/урадавых органаў, эпідэміі, вірусныя захворванні і інш. інфекцыі, тэхнагенныя катастрофы, выбухі, масавыя беспарадкі, пірацтва, змены візавых рэжымаў замежных краін і іншыя абставіны, якія знаходзяцца па-за сферай уплыву бакоў па гэтым дагаворы.

18. У выпадку ўзнікнення абставін неадольнай сілы і немагчымасці выканання бакамі абавязацельстваў па дадзеным дагаворы кожны з бакоў мае права патрабаваць ад іншага боку вяртання ўсяго, што ён выканаў, не атрымаўшы сустрэчнага задавальнення.

19. Калі ў перыяд аказання паслуг, тэрмін якога ўказаны ў Лісце браніравання, заказчык (трэцяя асоба) па ўласнай ініцыятыве адмаўляецца ад паслугі, то кошт дадзенай паслугі выканаўцам заказчыку не пакрываецца. Калі ў перыяд аказання паслуг, тэрмін якога ўказаны ў Лісце браніравання, заказчык (трэцяя асоба) самастойна па ўласнай ініцыятыве прымае рашэнне аб замене паслугі (напрыклад, адносна сродку размяшчэння, віду транспарту, маршруту і г.д.), то заказчык (трэцяя асоба) самастойна аплачвае гэтую паслугу, а выканаўца не будзе несці адказнасці за яе якасць і аб’ём. Пры гэтым выканаўца не вяртае заказчыку кошт замененай паслугі, а таксама не пакрывае розніцу ў кошце паслуг.

20. Выканаўца не нясе адказнасці за:

20.1. правільнасць афармлення ўязных/выязных дакументаў заказчыка (трэцяй асобы);

20.2. урон, прычынены заказчыку (трэцяй асобе) па яго ўласнай віне або па віне іншых асоб і/ці партнёраў выканаўцы, якія аказалі заказчыку (трэцяй асобе) дадатковыя паслугі, набытыя заказчыкам (трэцяй асобай) непасрэдна ў іншых асоб і/ці партнёраў выканаўцы як на платнай, так і на бязвыплатнай аснове;

20.3. магчымы ўрон, нанесены заказчыку (трэцяй асобе) па прычыне невыканання ім правілаў і мер бяспекі, а таксама ў выніку ўласнай неасцярожнасці;

20.4. неатрыманне заказчыкам (трэцяй асобай) візы, уключаючы адмову ў яе выдачы, ці затрымку пры выдачы дакументаў у пасольствах (консульствах) замежных дзяржаў, у тым ліку ў выпадку самастойнага афармлення візы заказчыкам (трэцяй асобай);

20.5. якасць і аб’ём дадатковых паслуг, якія аплачваюцца заказчыкам (трэцяй асобай) самастойна іншым асобам і/ці партнёрам выканаўцы;

20.6. немагчымасць выканаць умовы дадзенага дагавора ў сувязі з тым, што заказчык прадаставіў не адпаведныя рэчаіснасці звесткі пра сябе ці трэцюю асобу, прадаставіў неабходныя для афармлення візы дакументы не ў тэрмін ці прадаставіў іх не ў поўным аб’ёме;

20.7. тое, што паслугі не аказаны па віне заказчыка (трэцяй асобы) у сувязі з парушэннем ім заканадаўства Рэспублікі Беларусь ці краіны транзітнага праезду, у тым ліку парушэнняў мытных, візавых, пагранічных, санітарных і каранцінных правілаў;

20.8. якасць дадатковых паслуг, што прадастаўляюцца іншымі асобамі і/ці партнёрамі выканаўцы, якія ажыццяўляюць непасрэднае абслугоўванне заказчыка (трэцяй асобы), а таксама якасць дадатковых паслуг, што прадастаўляюцца сродкамі размяшчэння як на платнай, так і на бязвыплатнай аснове, дзе пражывае заказчык (трэцяя асоба);

20.9. спазненне заказчыка (трэцяй асобы) да аб’яўленага часу збору групы ці часу адпраўлення транспартных сродкаў, спазненне заказчыка (трэцяй асобы) да праходжання мытнага кантролю, спазненне да засялення ў сродак размяшчэння, на экскурсійныя і іншыя мерапрыемствы;

20.10. неспрыяльныя пагодныя ўмовы ў месцы часовага знаходжання;

20.11. зняцце заказчыка (трэцяй асобы) з рэйса і (ці) адмову ў дазволе на ўезд (выезд) мытнымі, пагранічнымі, санітарнымі і іншымі службамі;

20.12. няправільнасць афармлення дакументаў пасольствамі (консульствамі) як замежных дзяржаў, так і Рэспублікі Беларусь;

20.13. парушэнне заказчыкам (трэцяй асобай) правілаў праезду, рэгістрацыі ці правозу багажу і іншых правілаў, абавязацельствы па выкананні якіх ускладзены на заказчыка (турыстаў) заканадаўствам;

20.14. разнастайнасць страў і іх смакавых характарыстык, асаблівасці іх прыгатавання ў месцы часовага знаходжання (сродку размяшчэння);

20.15. размяшчэнне нумара, які прадастаўляецца заказчыку (трэцяй асобе) адміністрацыяй сродку размяшчэння пры рассяленні (паверх, аддаленасць ад стойкі адміністрацыі (рэсепшн), ліфта і іншае);

20.16. рассадку ў аўтобусе/самалёце/поездзе пры ажыццяўленні перавозак;

20.17. захаванасць і дастаўку багажу заказчыка (трэцяй асобы), акрамя выпадкаў, калі выканаўца з’яўляецца перавозчыкам і багаж, здадзены ў багажнае аддзяленне, згублены альбо пашкоджаны якім-небудзь чынам па віне выканаўцы;

20.18. крадзеж рэчаў заказчыка (трэцяй асобы), прычыненне шкоды здароўю і рэчам заказчыка (трэцяй асобы), выкліканае дзеяннямі іншых асоб;

20.19. адмену або змену часу адпраўлення авія, чыгуначных і аўтобусных рэйсаў і звязаныя з гэтым змены ў тэрмінах аказання паслуг. Нумар рэйса, клас перавозкі і іншыя правілы перавозкі пасажыраў і багажу адзначаны ў білеце;

20.20. якасць прадастаўлення доступу ў інтэрнэт, у тым ліку па тэхналогіі Wi-Fi, у сродках размяшчэння і іншых месцах часовага знаходжання заказчыка (трэціх асоб) у перыяд спажывання паслуг;

20.21. наяўнасць насякомых, птушак, жывёл, цвітучых раслін, а таксама іншых прадстаўнікоў жывёльнага і расліннага свету ў месцах часовага знаходжання заказчыка (трэцяй асобы) у перыяд спажывання паслуг;

20.22. якасць прыбярэжнага дна, прылеглага да тэрыторыі пляжа сродку размяшчэння, і якасць пакрыцця берагавой зоны пляжа (пясок, галька, камяні і іншае);

20.23. неадпаведнасць турыстычнага абслугоўвання неабгрунтаваным спадзяванням заказчыка (трэцяй асобы) і яго (іх) суб’ектыўнай ацэнцы;

20.24. магчымыя недакладнасці і памылкі, дапушчаныя партнёрамі выканаўцы пры размяшчэнні імі сваёй інфармацыі на сайце https://vetliva.by, https://vetliva.com, https://vetliva.ru, за недакладнасць інфармацыі, размешчанай партнёрамі выканаўцы на адзначаных сайтах, у тым ліку ў адносінах да катэгорыі сродку размяшчэння, а таксама за магчымыя недакладнасці і памылкі, указаныя ў рэкламных матэрыялах партнёраў выканаўцы.

21. У выпадку, калі ў заказчыка (трэцяй асобы) ёсць абавязацельствы перад судом ці іншымі дзяржаўнымі кампетэнтнымі органамі, якія паслужылі падставай для накладання на заказчыка (трэцюю асобу) абмежавання (забароны) на выезд за мяжу, то выканаўца не будзе несці адказнасці за наступствы, выкліканыя дадзеным абмежаваннем (забаронай). Выканаўца не нясе адказнасці за адмову прадстаўнікамі мытных органаў Рэспублікі Беларусь на ўезд заказчыка (трэцяй асобы) на тэрыторыю Рэспублікі Беларусь.

22. Не з’яўляецца парушэннем дадзенага дагавора размяшчэнне ў нумары сродку размяшчэння, у якім колькасць спальных месцаў перавышае колькасць месцаў, указаных у Лісце браніравання, пры ўмове, што колькасць размяшчаемых асоб адпавядае колькасці, указанай у Лісце браніравання (напрыклад: размяшчэнне двух чалавек у пакоі (нумары) сродку размяшчэння з трыма спальнымі месцамі).

23. Не з’яўляецца парушэннем дадзенага дагавора размяшчэнне заказчыка (трэціх асоб) і дзяцей, якія накіроўваюцца з ім (імі), у пакоі (нумары) сродку размяшчэння, які прызначаны для размяшчэння меншай колькасці асоб, але калі для размяшчэння дзяцей у пакой (нумар) сродку размяшчэння дабаўлены дадатковыя спальныя месцы.

24. Заказчык інфармаваны і згодны з тым, што авія, чыгуначныя і аўтобусныя праязныя дакументы з’яўляюцца самастойнымі дагаворамі паміж заказчыкам і перавозчыкам, а страхавы поліс (дагавор страхавання) з’яўляецца самастойным дагаворам паміж заказчыкам і страхавой арганізацыяй, і таму ўсе прэтэнзіі ў дачыненні перавозкі і страхавання накіроўваюцца заказчыкам адпаведна перавозчыку і (ці) страхоўшчыку.

ГЛАВА 6. ЗМЕНА І СПЫНЕННЕ ДАДЗЕНАГА ДАГАВОРА, АДМОВА ЗАКАЗЧЫКА АД ПАСЛУГ (АНУЛЯВАННЕ) І ПАРАДАК ВЯРТАННЯ ГРАШОВЫХ СРОДКАЎ

25. Змена і спыненне, у тым ліку скасаванне, дадзенага дагавора ажыццяўляюцца на падставах, прадугледжаных гэтым дагаворам і заканадаўствам.

26. Дадзены дагавор можа быць скасаваны ў аднабаковым парадку выканаўцам пры ўмове поўнага кампенсавання заказчыку страт, пацверджаных дакументальна.

27. У выпадку адмовы заказчыка ад паслуг (адмова ад дагавора аказання паслуг) цалкам ці часткова да даты іх пачатку яму неабходна самастойна ануляваць забраніраваныя паслугі ў асабістым кабінеце на сайце https://vetliva.by, https://vetliva.com, https://vetliva.ru ці накіраваць пісьмо аб адмове ад паслуг на адрас электроннай пошты support@vetliva.com. У выпадку адсутнасці ў заказчыка такой магчымасці (адсутнасць доступу да інтэрнэту і да т. п.) ён павінен звязацца з выканаўцам па тэлефоне і адмяніць паслугі вусна (+375291154949). Дагавор лічыцца скасаваным пасля прысваення яму выканаўцам статусу “Ануляваны” ў Асабістым кабінеце і накіравання адпаведнага сэрвіснага пісьма заказчыку.

28. У выпадку адмовы заказчыка ад паслуг (адмовы ад дагавора аказання паслуг) цалкам або часткова да даты іх пачатку незалежна ад прычын, грашовыя сродкі за аплачаныя паслугі вяртаюцца заказчыку выканаўцам на разліковы рахунак, указаны ў заяве заказчыка аб адмове ад паслуг за мінусам фактычна панесеных расходаў выканаўцы, звязаных з арганізацыяй прадастаўлення паслуг заказчыку (трэцім асобам), уключаючы аплату камісійнай узнагароды банку за пералік грашовых сродкаў партнёру выканаўцы, штрафныя санкцыі, выстаўленыя партнёрамі выканаўцы за ануляванне паслуг, іншыя расходы выканаўцы, пацверджаныя дакументальна.

29. Заказчык інфармаваны і згодны з тым, што калі абавязак па арганізацыі перавозкі быў ускладзены на выканаўцу і адлюстраваны ў Лісце браніравання, то ў выпадку адмовы заказчыка ад паслуг (адмовы ад дагавора аказання паслуг), кошт за авіябілеты на чартарныя і рэгулярныя рэйсы, кошт паслуг перавозкі, уключаных у групавыя аўтобусныя туры, вяртаецца ў памеры і па правілах, устаноўленых перавозчыкам.

ГЛАВА 7. ПРЭТЭНЗІІ І ПАРАДАК ВЫРАШЭННЯ СПРЭЧАК

30. Дадзены дагавор прадугледжвае абавязковы папярэдні парадак вырашэння спрэчак шляхам абмену пісьмовымі прэтэнзіямі і адказамі на прэтэнзіі.

31. У выпадку ўзнікнення спрэчных пытанняў па абслугоўванні ў месцы часовага знаходжання (месцы абслугоўвання) заказчык (трэцяя асоба) абавязаны на месцы неадкладна паведаміць пра сітуацыю, якая склалася, прадстаўніку абслуговага боку/сродку размяшчэння з тым, каб прэтэнзія была задаволена адразу на месцы. Пры неабгрунтаванай адмове ў задавальненні патрабаванняў заказчыка (трэцяй асобы), апошні павінен на месцы атрымання паслугі пісьмова аформіць прэтэнзіі і засведчыць іх у прадстаўніка абслуговага боку/сродку размяшчэння і падмацаваць яе дакументальна, а таксама звязацца з выканаўцам па электроннай пошце support@vetliva.com ці па тэл./факсе:+375291154949.

32. Калі падача прэтэнзіі непасрэдна падчас паездкі па аб’ектыўных прычынах аказалася немагчымай, заказчык (трэцяя асоба) мае права падаць яе непасрэдна выканаўцу, а выканаўца абавязаны будзе разгледзець яе на працягу тэрмінаў, устаноўленых заканадаўствам.

33. Прэтэнзіі падаюцца ў пісьмовай форме з прыкладаннем неабходных дакументаў, якія пацвярджаюць факт таго, што здарылася (пратаколы, акты, квітанцыі, чэкі і інш.).

ГЛАВА 8. ЗАКЛЮЧНЫЯ ПАЛАЖЭННІ

34. Заказчык інфармаваны і згодны з тым, што:

34.1. у асобных выпадках, прадугледжаных заканадаўствам Рэспублікі Беларусь, па прыбыцці ў сродак размяшчэння неабходна выплаціць на карысць сродку размяшчэння курортны збор ці іншы падатак, у памеры згодна з заканадаўствам Рэспублікі Беларусь;

34.2. пры заездзе ў санаторый неабходна мець з сабою выпіску з медыцынскіх дакументаў, выдадзеную ўстановай аховы здароўя не раней чым за адзін месяц да пачатку прадастаўлення паслуг. Пры адсутнасці гэтага дакумента санаторна-курортнае лячэнне будзе адтэрмінавана да моманту заканчэння неабходнага папярэдняга абследавання ва ўмовах санаторыя, якое будзе праводзіцца на платнай аснове;

34.3. заказчык (трэцяя асоба) нясе поўную матэрыяльную адказнасць перад асобамі, якія непасрэдна прадастаўляюць заказчыку паслугі, за урон, прычынены ім заказчыкам (трэцяй асобай) у перыяд адпачынку і/ці пражывання;

34.4. сродкі размяшчэння не прымаюць заказчыка (трэцюю асобу) без дакумента, які сведчыць асобу, і Ліста браніравання;

34.5. інфармацыя аб магчымасці альбо забароне прыбываць у сродак размяшчэння разам з жывёламі размешчана на сайце https://vetliva.by, https://vetliva.com, https://vetliva.ru. У выпадку парушэння правілаў пражывання ў сродку размяшчэння выканаўца не будзе несці адказнасць за адмову сродкаў размяшчэння ў прыёме заказчыка (трэцяй асобы) на абслугоўванне. Грашовыя сродкі заказчыку за адмову сродку размяшчэння ў прыёме заказчыка (трэцяй асобы) на абслугоўванне, які прыбыў разам з жывёлай, выканаўцам не вяртаюцца.

34.6. За парушэнне заказчыкам (трэцяй асобай) правілаў пражывання ў сродку размяшчэння ён можа быць падвергнуты прымусоваму высяленню без пакрыцця выканаўцам заказчыку грашовых сродкаў за нявыкарыстаныя заказчыкам (трэцім асобам) дні пражывання;

34.7. разліковая гадзіна ў сродку размяшчэння (час засялення – калі заказчыку павінны прадаставіць нумар/час высялення – калі заказчык павінен вызваліць нумар) указваецца ў Лісце браніравання. Заказчык (трэцяя асоба), які прыбыў у сродак размяшчэння датэрмінова, размяшчаецца ў ім пры наяўнасці свабодных месцаў за дадатковую плату згодна з дзеючым прэйскурантам цэн на момант прыбыцця заказчыка (трэцяй асобы). У выпадку вызвалення нумара перад размяшчэннем заказчыка (трэцяй асобы) апошні павінен прадаставіць абслуговаму персаналу сродку размяшчэння магчымасць правесці санітарна-гігіенічную ўборку нумара;

34.8. у непасрэднай блізкасці ад сродку размяшчэння (месца часовага пражывання) могуць весціся будаўнічыя, інжынерныя работы, узводзіцца/знаходзіцца камунікацыі і абсталяванне, могуць размяшчацца магазіны, рэстараны, дыскатэкі, аўтастаянкі, іншыя арганізацыі, асвятляльныя мачты, могуць праходзіць пешаходныя, аўтамабільныя дарогі, чыгункі і г.д., у выніку чаго магчыма ўзнікненне шумавых, візуальных эфектаў, пахаў, вібрацый і г.д. Паколькі ўсе ўказаныя аб’екты і з’явы знаходзяцца па-за сферай уплыву выканаўцы, апошні не нясе за іх адказнасці.

35. У выпадку заключэння дадзенага дагавора на карысць трэціх асоб заказчык абавязуецца забяспечыць выкананне гэтымі трэцімі асобамі ўмоў гэтага дагавора і выказвае тым самым іх згоду на ўмовы дадзенага дагавора. Колькасць трэціх асоб, якім аказваюцца паслугі ў адпаведнасці з гэтым дагаворам, адзначаецца ў Лісце браніравання.

ГЛАВА 9. ТЭРМІН ДЗЕЯННЯ ДАГАВОРА

36. Дагавор уступае ў сілу з моманту залічэння на разліковы рахунак Выканаўцы грашовых сродкаў, выплачаных Заказчыкам у лік аплаты заказаных ім паслуг і дзейнічае да выканання Бакамі сваіх абавязацельстваў.

37. Усе спрэчкі па гэтым дагаворы вырашаюцца ў парадку, прадугледжаным заканадаўствам Рэспублікі Беларусь.

ГЛАВА 10. РЭКВІЗІТЫ ВЫКАНАЎЦЫ

Рэспубліканскае ўнітарнае прадпрыемства "ЦЭНТРКУРОРТ"
Адрас: 220048, Беларусь, Мінск, вул. Мяснікова, 39-338
Разлікі в белорускіх рублях
Р/с BY10AKBB30120000048055100000
БИК: AKBBBY21510
у філіяле № 510 ОАО «АСБ Беларусбанк», код 603, г. Мінск,   
ул. Куйбышава, 18. УНП 100726604 ОКПО 02016011
Разлікі ў еўра 
Банк-карэспандэнт/Сorrespondent bank  RAIFFEISEN BANK INTERNATIONAL AG, 
VIENNA 
SWIFT: RZBAATWW  
Нумар каррахунку/Сorrespondent Аccount: 1-50.087.998 
Банк Бенефіцыяра/Beneficiarys Bank: BRANCH 510 BELARUSBANK  
SWIFT:  AKBBBY21510 
Бенефіцыяр/Beneficiary Republican Unitary Enterprise «CENTREKURORT» 
Счет/Account Number BY51 AKBB 3012 0000 0504 8510 0000 
Разлікі ў рас.рублях
Банк – корреспондент/Correspondent Bank: 
ОАО СБЕРБАНК РОССИИ, Москва, РФ  
Кор. Счет 30101810400000000225 в ОПЕРУ Московского ГТУ Банка России, г.Москва
БИК: 044525225; ИНН: 7707083893  
Номер корсчета/Correspondent Account:30111810700000000063 
Банк Бенефициара/Beneficiarys Bank: ОАО «АСБ Беларусбанк» 
Филиал № 510, код 603 
SWIFT:  AKBBBY21510
Бенефициар/Beneficiary: Республиканское унитарное предприятие «ЦЕНТРКУРОРТ» 
Счет/Account Number:BY51 AKBB 3012 0000 0504 8510 0000 
Расчеты в долларах США 
Банк – Корреспондент/Correspondent  Bank:CITIBANK N.A , NEW YORK, USA, 
SWIFT:CITIUS33XXX  
Номер Корсчета/Correspondent Account 36316365  
Банк Бенефициара/Beneficiarys Bank:Belarusbank, Minsk, BRANCH 510, SWIFT: 
AKBBBY21510 
Бенефициар/Beneficiary :Republican Unitary Enterprise «CENTREKURORT» 
Счет/Account Number BY51 AKBB 3012 0000 0504 8510 0000