Выратавала Лепель ад мору

Царква Святой Параскевы Пятніцы ў горадзе Лепель с пачатку свайго заснавання была ўніяцкай. Такіх цэркваў на Беларусі было дастаткова многа. Але нейкія з іх былі знішчаны, а нейкія сталі праваслаўнымі. Так і здарылася з лепельскай царквой: з уніяцкага храма Параскевы Пятніцы ў 1808 годзе быў ператвораны ў праваслаўны. На гэты момант гэта была праваслаўная царква.

Лепельская легенда

Новая царква ў гонар Святой Параскевы Пятніцы была пабудаваная ў 1898 годзе. З яе ўзнікненнем звязана легенда, якую вы, напэўна, пачуеце, наведваючы храм. У тыя далёкія часы ў Лепелі быў мор, і аднаму чалавеку прысніўся сон, што для таго, каб мор спыніўся, трэба пабудаваць царкву ў гонар Святой Параскевы Пятніцы.

Як толькі царква была пабудаваная, мор адразу ж спыніўся. Царква працягвала радаваць гараджан, праводзілася рэстаўрацыя храма. У час Вялікай Айчыннай вайны царква была адчынена, прыхаджане ішлі ў храм і атрымлівалі там падтрымку. На жаль, у пасляваенны час у царкве знаходзілася турма і сталовая.

Новае жыццё царквы

Але час ішоў сваёй чаргой, і сіняя драўляная царква стала ізноў прымаць прыхаджан. Даволі незвычайная сама пабудова: вокны храма выцягнутыя і размяшчаюцца гарызантальна. Унутры царквы знаходзяцца іконы: “Маці Божая Смаленская” і “Апосталы Пётр і Павел”. Вядома ж, ёсць у царкве і іконы з выявай Святой Параскевы Пятніцы.

Святая Параскева

Дарэчы, Параскева, калі перакладаць з грэчаскай мовы, і ёсць пятніца. Вядома, што Параскева нарадзілася ў багатай сям’і, але прыняла зарок бясшлюбнасці і была сапраўднай веруючай да канца сваіх дзён. Яна вырашыла прысвяціць сваё жыццё асвеце язычнікаў. Яна верыла ў Бога і несла святло гэтай веры ў сваёй душы ўсё жыццё да смерці. Параскева прыняла пакутніцкую смерць, але назаўсёды засталася ў сэрцах веруючых людзей. Яна і па сённяшні дзень вельмі вельмі шануецца сярод праваслаўных веруючых. Па ўсяму свету будуюцца храмы ў гонар Святой Параскевы Пятніцы, а вернікі з усяго света шануюць памяць святой. На іконах Параскева ўвасабляецца як высокага росту жанчына з вянком на галаве.

Людзі, як і шмат стагоддзяў таму, вераць у тое, што Параскева з’яўляецца апякункай сямейнага шчасця і дабрабыту. Яна таксама з’яўляецца лекаркай ад многіх душэўных і цялесных хвароб. Параскева Пятніца  ў народзе – заступніца дамашняй жывёлы і палёў. Такое важнае яе значэнне ў праваслаўнай рэлігіі невыпадкова, бо Параскева несла ў сабе веру на працягу ўсяго свайго жыцця. Нават цяжкія пакуты не зламалі яе духа, а словы веры гучалі з яе вуснаў да апошняга ўдыху.

Прыклад для пераймання

Царква Параскевы не толькі выратавала некалі горад Лепель ад мора, Святая Пятніца стала сапраўднай заступніцай гэтага маленькага і ціхага беларускага гарадка на возеры Лепельскім. Наведаць царкву можна ў любы дзень. Акрамя таго, вам, напэўна, пашанцуе патрапіць у Лепель улетку. Вы зможаце прагуляцца па берагах возера і заглянуць у гэты цікавы храм, які захаваўся да нашых дзён.