У нашай краіне шмат месцаў паломніцтва. Сярод іх не толькі манастыры і храмы. Каб вылечыцца і ачысціцца ад грахоў, людзі прыязджаюць і да святых крыніц Беларусі. У кожнай крыніцы свая ўнікальная гісторыя. Такім чынам, перанясёмся на Гродзеншчыну. А калі быць дакладней, то ў невялікі горад Іўе, дзе ёсць крыніца з эталоннай якасцю прэсных падземных вод.

Гісторыя і асаблівасці крыніцы

Турысты наведваюць крыніцу ў любую пару года і не толькі па святах. Яна з'явілася ў 1914 годзе, калі горад быў акупаваны немцамі. Цікавы факт: старажылы звалі гэту крыніцу здароўя ў Беларусі «Студня Міге» — паводле прозвішча нямецкага ўрача, па ініцыятыве якога тут з'явілася свідравіна. Вось такая нестандартная гісторыя, калі параўноўваць з іншымі крыніцамі Беларусі. Практычна ўсё адзначаюць, што вада смачная і чыстая. Абавязкова паспрабуйце!

Крыніца адносіцца да рэдкага ўзыходнага тыпу і прызнана геалагічным помнікам рэспубліканскага значэння. Яна размешчана ў цэнтры горада Іўе, асвячоныа ў імя Архангела Міхаіла і добра ўладкавана. Тут нават ёсць купель. Любы, хто акунаецца з верай, можа адчуць Боскую ласку.

Іншыя славутасці горада

Калі вас цікавіць, што яшчэ паглядзець у Іўі, унясіце ў свой спіс самую старажытную ў краіне мячэць і будынак былой сінагогі. І, вядома ж, сфатаграфуйцеся каля статуі Хрыста. Яна нагадвае тую, што ў Рыа-дэ-Жанэйра, толькі размешчана побач з царквой Святых Пятра і Паўла ў Іўе. 

Увогуле, гэты шматканфесійны і мультыкультурны горад не пакіне нікога абыякавым.

Гаючыя крыніцы

Калі жадаеце наведаць іншыя святыя крыніцы Беларусі, адпраўляйцеся ў Жыровічы. Тут адразу некалькі гаючых ключоў. Вядомыя выпадкі, калі вада дапамагала палепшыць самаадчуванне пры радыкуліце, непрытомнасці, бясплоддзі, частых галавакружэннях і іншых хваробах.

Святыя крыніцы Беларусі, якія вылечваюць людзей, знаходзяцца яшчэ і ў наступных вёсках:

• Пакрашава;

• Пустынкі;

• Ракаў;

• Палыкавічы;

• Лоск.

Безумоўна, цудадзейных крыніц значна больш. Забраніруйце паломніцкую экскурсію, каб папіць воды са святых ключоў, адчуць супакаенне і адпачыць.