Усе чулі пра «беларускія Сейшэлы ці Мальдывы» ўзрушальнага хараства, а шматлікія вандроўнікі ўжо неаднаразова там бывалі і цалкам пацвердзілі той факт, што маляўнічыя выявы ў сусветным павуцінні - не фаташоп. Экзатычныя месцы нерэальнага хараства, што выбіваюцца з класічнага ўяўлення пра беларускую прыроду, сапраўды прысутнічаюць на карце Беларусі. Таму многія беларусы падчас працоўнага адпачынку ў ліпені аддаюць перавагу не дарагому адпачынку у Турцыі, Грэцыі ці на Канарскіх астравах, а едуць у наваколлі Гродна, каб папесціцца на сонейку, удыхнуць поўнымі грудзьмі чыстае паветра і паплаваць у мелавым кар'еры, хоць плаванне і забаронена на афіцыйным узроўні з прычыны наймоцнай небяспекі. Але гэта не спыняе роспачных адпачывальнікаў.

Падобных месцаў з мелавымі кар'ерамі ў Беларусі некалькі, але мелавыя кар'еры пад Гродна – адны з самых часта наведвальных месцаў. Практычна кожны жыхар абласнога цэнтра ці турыст шмат разоў бачыў цудоўныя азёры, што атрымалі каларытную назву Сінька і Зялёнка з-за колеру вады. Паходжанне ў гэтых дзіўна прыгожых азёр не асабліва казачнае. Гэта звычайныя кар'еры, дзе раней здабывалі мел. Пасля рэгулярных здабыч і застаюцца арыгінальныя катлаваны глыбінёй да пяцідзесяці метраў, якія паступова запаўняюцца грунтовымі водамі. Адсюль і атрымліваюцца штучна створаныя азёры. А адкуль тады незвычайны для тутэйшых месцаў колер? Адказ просты: усё дзела ў хіміі, калі карбанат кальцыю сустракаецца з карбанатам магнію плюс у гэтым працэсе бяруць удзел іншыя спалучэнні мелу, і на выхадзе атрымоўваюцца насычаныя колеры: ад ярка блакітнага да глыбока зялёнага. Нягледзячы на тое, што на тэрыторыі вісяць папераджальныя знакі, што забараняюць купацца, ахвотнікаў паплаваць і асвяжыцца ў цёплай вадзіцы набіраецца нямала. Гэта небяспечна, бо абрывы высокія і крутыя, а мелавыя кар'еры пад Гродна маюць даволі небяспечна вялікую глыбіню. Лічыцца, што ў летні перыяд вада ў азёрах выдатна праграваецца плюс яе шчыльнасць значна вышэй, чым у звычайных рэках, таму рызыкі патануць у іх значна менш.

Якая ж будучыня чакае мелавыя кар'еры пад Гродна? Вялікае і складанае пытанне, што займае розумы чыноўнікаў доўгія гады, асабліва ўлетку, калі колькасць ахвотнікаў наведацца на кар'еры расце хуткімі тэмпамі. Некаторыя прапануюць мелавыя кар'еры пад Гродна ўвогуле засыпаць пяском. Іншыя ж агучваюць больш крэатыўны выхад з сітуацыі, якая склалася: зрабіць з кар'ераў прывабны турыстычны аб'ект, бо мелавыя кар'еры - адмысловы помнік прыроды, які трэба захоўваць і ахоўваць. Адбою ад турыстаў дакладна не будзе, калі яны і цяпер імкнуцца наведаць штучныя азёры. Гэта значыць, што адпачынак будзе легалізаваны.

А пакуль пытанне з Сінькай і Зялёнкай вырашаецца на высокім дзяржаўным узроўні, мелавыя кар'еры пад Гродна абавязкова варта наведаць найбліжэйшым летам. І заходзіць у ваду зусім не трэба. Досыць з берага на фоне меладычнага спеву птушак палюбавацца тым, што падобныя імпартныя краявіды магчымыя ў Беларусі.