Выстава карцін чатырох беларускіх мастакоў

У арт-гасцёўні Мінска праходзіць выстава жывапісу і графікі. На экспазіцыі «Мембрана» прадстаўлены карціны чатырох беларускіх мастакоў: Карпянкова і Карпянковай, Чаромных і Чутцавай. Усе яны адносяцца да аднаго пакалення.

Творы жывапісцаў аб'ядноўвае адна тэма – чалавек і яго эмоцыі. Яны паспрабавалі перадаць сваё бачанне навакольнага свету і ўзаемадзеяння людзей і сусвету. Мастакі адлюстравалі чалавека ў звыклых умовах: у горадзе і на прыродзе. Паглядзіце, як адчувае сябе чалавек, ці змяняе ён навакольнае асяроддзе або яно мяняе яго.