Даведацца больш пра афрыканскія традыцыі запрашаюць у гродзенскім музеі

У музеі гісторыі рэлігіі ў Гродна – незвычайная экспазіцыя «Адкрываючы Афрыку: вераванні, рытуалы, традыцыі».

Гасцям прадставяць незвычайныя творы мастацтва, побытавае прыладдзе, традыцыйную зброю, музычныя прылады, рытуальныя маскі і тэатральныя лялькі. Вы зможаце даведацца больш пра культуру народаў Афрыканскага кантынента, звычаі, вераванні. Даведацца, як праходзіў абрад ініцыяцыі, як выбіралі нявесту адважныя ваяры, што рабілі, калі ўраджай не цешыў, чаму вучылі дзяцей з самага ранняга ўзросту.