Прылады катаванняў можна ўбачыць у Віцебску

Выстава «Паляванне на ведзьмаў» праходзіць у Ратушы Віцебску. Наведвальнікі могуць паглядзець мадэлі сярэднявечных прылад катаванняў і маскі ганьбы XIV-XVIII стагоддзяў.

Усе экспанаты выраблены майстрам гістарычнай рэканструкцыі Аляксандрам Харламавым. За аснову спецыяліст узяў старадаўнія гравюры, архіўныя дакументы, схемы і замалёўкі і іншыя гістарычныя матэрыялы.

Можна будзе зірнуць на крэсла допыту, скрыпкі пляткарак, знакаміты іспанскі боцік, гароту, дыбу, паясы вернасці і шматлікае іншае.

Пабываць на выставе можна па 28 лютага 2022.