Літаграфіі Анры Тулуз-Латрэка ў галерэі Савіцкага

Пазнаёміцца з культурным жыццём Парыжа мінулага стагоддзя можна на незвычайнай выставе, якая адкрыецца 1 кастрычніка ў галерэі Міхася Савіцкага. 

На экспазіцыі «Тулуз-Латрэк. Жарсць у «Мулен Руж» прадставяць 50 літаграфій французскага мастака. Наведвальнікі ўбачаць афішы ўстаноў Парыжа, партрэты цыркачоў, танцорак і артыстак кабарэ.

Бурлеск чароўны, ён захапляе яркімі фарбамі, стварае зманлівае ўражанне ціхамірнасці і раскошы. Але мастак ставіў перад сабой мэту паказаць праўдзівую рэальнасць, якая хаваецца за святочнай мішурой.

Пабываць на выставе можна па 5 снежня 2021.