Фэст «Мотальскія прысмакі» пройдзе 7-8 жніўня

У аг. Моталь (Брэсцкая вобласць) 7 і 8 жніўня правядуць кулінарны фэст «Мотальскія прысмакі».

Мерапрыемства арганізоўвалі штогод з 2008 года, з 2015 графік змяніўся і фэст сталі праводзіць толькі раз у 2 гады. За гэты час «прысмакi» сталі шырока вядомыя не толькі ў Беларусі, але і далёка за яе межамі. 

На фэсце можна не толькі нацешыцца разнастайнымі стравамі беларускай кухні, але і набыць тавары рамеснікаў, а таксама адпачыць душой, атрымліваючы асалоду ад канцэрту. На мерапрыемстве выступяць народныя калектывы, беларускія артысты і музыкі.