Фэст «Іўеўскі памідор» пройдзе 21 жніўня

У мястэчку Іўе Гродзенскай вобласці штогод праходзіць цікавы фэст, прысвечаны памідору.

Уся справа ў тым, што ў населеным пункце жыве шмат татараў, якія небеспадстаўна лічацца выдатнымі агароднікамі. У мястэчку вельмі шмат градак, цяпліц і нават палёў з сакавітымі таматамі. Памідор стаў сапраўдным брэндам горада!

Кожны год праводзяць фэст і ладзяць бітвы памідорамі. У гэтым годзе вас чакаюць тэатральныя паказы, выставы-продажы, майстар-класы, дэгустацыя памідораў і, вядома, таматавая бойка. Свята пачнецца ў 15:00.