На аўтамабіле

Беларусь знаходзіцца на скрыжаванні дарог паміж Усходам і Захадам. І калі падарожжа вы неразрыўна звязваеце з аўтадарогай, то чаму б не адправіцца ў Беларусь на ўласным аўто. Якасць аўтамабільных трас вас прыемна здзівіць. А па дарозе вы зможаце палюбавацца маляўнічай прыродай.

Сетка дарог агульнага карыстання дасягае 51 547 км (32 219 міль), большую частку складаюць дарогі з цвёрдым пакрыццём.

Рух у Беларусі правабакi. Выкарыстоўваюцца дарожныя знакі і правілы дарожнага руху міжнароднага ўзору. Існуюць пэўныя патрабаванні да кіроўцаў, якія ўязджаюць на тэрыторыю Рэспублікі Беларусь.

Важна ведаць, што з 2013 года ў краіне функцыянуе нацыянальная электронная сістэма платы за праезд па платных дарогах BelToll. Дадзеная тэхналогія дазваляе карыстальнікам дарогі аплачваць праезд без прыпынку транспартных сродкаў у пунктах збору аплаты. 

Платнымі з'яўляюцца  1 189 км дарог краіны. 

Тэрыторыю Беларусі перасякаюць два транс'еўрапейскіх транспартных калідора: нумар II (Захад – Усход) і нумар IX (Поўнач – Поўдзень) з адгалінаваннем ІХВ.

  

Аўтамабільная дарога М-1/Е30 Брэст – Мінск – мяжа Расійскай Федэрацыі з'яўляецца ўчасткам транс'еўрапейскага транспартнага калідора нумар II (Берлін – Варшава – Мінск – Масква – Ніжні Ноўгарад), які злучае Германію, Польшчу, Беларусь і Расію. Сёння аўтамабільная дарога М-1/Е30 па тэхнічных параметрах адказвае міжнародным стандартам, на ёй прымяняюцца самыя сучасныя тэхналогіі і сродкі арганізацыі дарожнага руху. Большай яе часткі нададзены статус дарогі для аўтамабіляў, а значыць, тут павялічана дазволеная максімальная хуткасць руху да 120 км/ч.

Аўтамабільная дарога М-8/Е95 мяжа Расійскай Федэрацыі – Віцебск –Гомель – мяжа Украіны перасякае тэрыторыю рэспублікі з поўначы на поўдзень, мае працягласць 456 км і з'яўляецца участкам транс'еўрапейскага транспартнага калідора нумар IX, які злучае Фінляндыю, Літву, Расію, Беларусь, Украіну, Малдову, Румынію, Балгарыю і Грэцыю.

Адгалінаванне калідора ІХВ Гомель – Мінск – Вільнюс – Клайпеда забяспечвае выхад з абласцей Усходняй Украіны і Цэнтральнай Расіі да спецыялізаваных марскіх партоў Клайпеды, Вентспілса і Калінінграда.

Іншыя важныя у міжнародным дачыненні да аўтамабільныя магістралі:

  • М-3 Мінск – Віцебск 
  • М-4 Мінск – Магілёў 
  • М-5/Е 271 Мінск – Гомель 
  • М-6/Е 28 Мінск – Гродна 
  • М-7/Е 28 Мінск – Ашмяны – мяжа Літоўскай Рэспублікі 
  • М-10 Граніца Расійскай Федэрацыі – Гомель – Кобрын 
  • М-11/E 85 Мяжа Літоўскай Рэспублікі – Ліда – Слонім – Быцень 
  • М-12/E 85 Кобрын – мяжа Украіны (Макраны).

Зварот да спісу