Санаторыі Беларусі: выбар месца для адпачынку і лячэння

Санаторыі Беларусі даўно заваявалі папулярнасць сярод тых, хто шукае камфортныя месцы для адпачынку і лячэння. Асаблівасць беларускіх здраўніц у тым, што яны размяшчаюцца ў экалагічна чыстых і неверагодна прыгожых месцах, прапаноўваючы гасцям выдатныя ўмовы, якаснае медыцынскае абслугоўванне, а таксама разнастайны вольны час. Турысты і госці выбіраюць адпачынак у Беларусі не толькі з-за прыроды і гістарычнай спадчыны, але і дзякуючы магчымасці аднавіць сваё здароўе.

На працягу доўгіх гадоў у краіне паспяхова функцыянуюць здраўніцы шырокага і вузкага профілю. Ёсць установы, якія спецыялізуюцца на лячэнні дыхальных шляхоў і сардэчна-сасудзістай сістэмы, а таксама санаторыі, дзе можна прайсці рэабілітацыю пасля аперацый і траўмаў. 

Самыя запатрабаваныя беларускія санаторыі

Санаторый «Пліса»

Гэта адна з найбольш папулярных здраўніц у Беларусі, якая карыстаецца попытам у беларусаў і замежных гасцей. Яна знаходзіцца ў лясным масіве Віцебскай вобласці на беразе аднайменнага жывапіснага возера. Санаторый спецыялізуецца на лячэнні і аднаўленні здароўя, а таксама дае вялікі дыяпазон паслуг для рэлаксацыі і адпачынку. 

У аздараўленчай праграме санаторыя прадугледжаны розныя лячэбныя працэдуры, сярод якіх: масажы, інгаляцыі, лячэнне граззю, фізіятэрапія і іншае. Кожная з іх унікальная і распрацавана з улікам фізіялагічных патрэбаў і асаблівасцяў арганізма. У некаторых праграмах прымяняюцца элементы ёгі, дыхальнай гімнастыкі, кінезіятэрапіі і іншых практык, якія ўздзейнічаюць на аднаўленчыя функцыі арганізма.

З забаўляльных паслуг для пастаяльцаў ёсць басейн, спартыўныя пляцоўкі, рэстараны, спа-цэнтр, стралковы цір, вулічныя трэнажоры, месцы адпачынку для дзяцей, абсталяваны пляж, пірс, катамараны і лодкі, якія асабліва актуальны ў летні перыяд.

Санаторый «Беларусачка»

Месца адпачынку паблізу Мінска, якое паспелі ацаніць замежныя госці і беларусы. Здраўніца размясцілася ў 10 хвілінах язды ад сталіцы, у экалагічна чыстым іглічна-бярозавым лесе, на беразе вадасховішча Дразды.

«Беларусачка» спецыялізуецца на лячэнні і прафілактыцы захворванняў органаў дыхання, алергій і неўралагічных захворванняў. Тут працуе вопытны медыцынскі персанал, які прадастаўляе прафесіянальнае абслугоўванне і распрацоўвае індывідуальныя праграмы для кожнага.

Адна з асаблівасцяў гэтага месца — маляўнічая прырода, камфортныя нумары, водна-аздараўленчы цэнтр, спартзала, сучасны СПА-цэнтр, абсталяваныя зоны адпачынку.

Санаторый «Крыніца» 

Яшчэ адна буйная здраўніца Беларусі, якая размясцілася недалёка ад сталіцы, у аг. Ждановічы. Гэта месца з захапляльным відам на Заслаўскае вадасховішча аб'яднала ў сабе якаснае і эфектыўнае лячэнне, смачную і здаровую ежу, а таксама уважлівы і прыязны персанал. Тут вы не толькі умацуеце здароўе, але і атрымаеце зарад бадзёрасці і пазітыву.

Да паслуг гасцей: вялікі комплекс аздараўленчых працэдур, сучасная лячэбна-дыягнастычная база, пляцоўка для актыўнага адпачынку, пляж і многае іншае. 

Унікальнасць санаторыя «Крыніца» ў тым, што на яго тэрыторыі размяшчаецца гідрамінеральная база, якая прадстаўлена пяццю свідравінамі глыбінёй да 500 м.

Адзін з самых папулярных і камфортных фарматаў адпачынку ў санаторыі Беларусі — усё ўключана. Выбірайце найлепшы варыянт лячэння і рэлаксу ў адной з беларускіх здраўніц: вы абавязкова застанецеся задаволеныя.