Гасцінічны комплекс "Плаўна" - гістарычна памятнае месца, звязанае з імем П. М. Машэрава. Ціхае і адасобленае, яно знаходзіцца ў сасновым бары на беразе маляўнічага возера Плаўна - водападзелу Чорнага і Балтыйскага мораў. Комплекс размешчаны у 15 км ад адміністрацыйнага цэнтра запаведніка на мяжы з эксперыментальнай лесапаляўнічай гаспадаркай "Барсукі". Уся тэрыторыя комплексу ізаляваная і надзейна ахоўваецца. Трохпавярховы гатэль з прасторным холам і 10 утульнымі нумарамі нагадвае казачны замак. На Ваш выбар адна-, двух- і трохпакаёвыя нумары. У нумарах ёсць тэлевізар, халадзільнік, кандыцыянер. З вокнаў нумароў адкрываецца маляўнічая панарама наваколля возера Плаўна.
На тэрыторыі гасцініцы знаходзяцца ўладкаваныя альтанкі для адпачынку, мангалы, стаянка, якая ахоўваецца. Недалёка абсталяваная спартыўная пляцоўка, на якой можна праводзіць вольны час, гуляючы ў настольны тэніс, баскетбол, валейбол і футбол. У аматараў гульні у більярд ёсць магчымасць згуляць партыю ў рускі більярд. Тут таксама можна ўзяць напракат лодкі, катамараны, ровары, бадмінтон, мячы, скакалкі, спартыўныя абручы, у зімовы перыяд - санкі і лыжы. На тэрыторыі комплексу знаходзіцца верталётная пляцоўка. На беразе возера - выдатны пляж. Умацаваць здароўе і падняць настрой Вам дапаможа пар у рускай лазні.