Могілкi Першай Сусветнай вайны ў мястэчку Рось

Рось

Скульптуры, помнікі, мемарыялы

Могілкi, на каторых пахаваны шматлiкiя салдаты, якія абаранялі сваю Радзіму ад ворага, заслугоўваюць асобнага ўпамiнання. Тут пахаваны смелыя людзі, якiя цаною свайго жыцця ваявалi за нашу свабодную сучаснасць і будучыню.

У гарадскім пасёлку Рось знаходзяцца могілкi Першай Сусветнай вайны. Перад тым, як апiсаць гэта гiстарычнае месца, дзе захаваны шматлiкiя салдаты, давайце даведаемся пра мястэчка Рось, якое прадстаўляе сабой даволі буйны пасёлак гарадскога тыпу, дзе зараз жыве 4700 чалавек.

Гісторыя гарадскога пасёлка Рось

Рось Ваўкавыскага раёна Гродзенскай вобласці добра вядома з пачатку XIII стагоддзя. Дружына з зямель Росi прымала актыўны ўдзел у Грунвальдскай бітве ў 1410 годзе. У XVI стагоддзі вёска вырасла да мястэчка і тэрытарыяльна належала Ваўкавыскаму павету Навагрудскага ваяводства Вялікага Княства Літоўскага, а потым Рэчы Паспалітай. У канцы XVI стагоддзя тут пабудавалі Траецкую царкву, а праз некалькi дзесяцігоддзяў i Траецкі касцёл.

У 1795 землi Росi належалi царскай Расіі, а ў 1801 годзе Рось была нават цэнтрам воласці. У 1886 годзе, калі будавалася чыгунка Баранавічы-Беласток, Рось атрымала статус чыгуначнай станцыі. Потым яна ўваходзіла ў склад Польшчы, а таксама БССР. З 1958 года Рось знаходзiцца ў статусе гарадскога пасёлка, у каторым дзейнічаюць прадпрыемствы харчовай прамысловасці, а таксама вырабляюцца будаўнiчыя матэрыялы.

Могілкi Першай Сусветнай вайны

100 гадоў назад такой дзяржавы, як Беларусь, яшчэ не iснавала. Аднак мясцовыя жыхары вельмi пакутавалi ад шматлiкiх войнаў на гэтай тэрыторыiі. Першая Сусветная вайна маштабна прайшлася па беларускіх гарадах і вёсках i нікога не пашкадавала. І хаця яна не была такой крывавай, як наступная Вялікая Айчынная вайна, Першая Сусветная таксама прынесла беларускаму народу шмат жорсткасці, разбурэнняў і смерцi.

Калі немцы з'явіліся на беларускiх зямлях, мясцовыя жыхары паўсталi на абарону сваіх сем'яў і дамоў. Вайна працягвалася больш за два годы. Як вынiк - тысячы салдат пахаваны на 200 ваенных могілках Беларусі.

Большая частка ваенных захаванняў Першай Сусветнай вайны знаходзіцца ў Гродзенскай вобласці

Могілкi ў вёсцы Рось нельга назваць вялікімi. Калі вы наведаеце гэта месца, тады налічыце тут амаль два дзесяткі захаванняў. Надмагільныя пліты не назавуць імёнаў пахаваных тут салдат, але выдатна раскажуць няхай і невялікія, але такiя важныя гісторыі воiнаў, якiя змагалiся за нашу Радзіму. На большасці пліт запісы былі, але с цягам часу яны сцерліся. Пагэтаму зараз iх вельмi цяжка ўбачыць. Магілы абкладзены камянямi, якiя паступова разбураюцца з-за надвор'я i доўгага часу.

У пачатку апошнiх радоў магіл стаяць вялікія крыжы, а па баках кожнага з іх размяшчаецца яшчэ па два крыжа меньшых памераў. Насупраць цэнтральнага раду ўстаноўлена памятная пліта з надпісамі на рускай і нямецкай мовах.

Нягледзячы на ​​тое, што нашчадкаў пахаваных тут салдат ужо няма, за могiлкамі добра даглядаюць: яны вычышчаны ад травы і пустазелля, а паміж імі размяшчаецца акуратны газон.

Карта месцазнаходжаньня


Вярнуцца да спісу