Пятніца – прыезд у Мінск, сустрэча на вакзале ў вагона № 5 Вашага цягніка з жоўтай таблічкай "тур Белая Русь", трансфер у гасцініцу, рассяленне ў гасцініцы (з 8.00). Выдача інфармацыйнага ліста (напамінак з падрабязнай праграмай, карта Мінска). Сняданак шведскі стол.

10.00 Аглядная экскурсія па Мінску (3,5 гадзіны). Падчас экскурсіі Вы даведаецеся пра мінулае горада ў шырокіх гістарычных рамках. Полацкае княства, Вялікае княства Літоўскае, Рэч Паспалітая, Расійская імперыя, Савецкая Беларусь і Рэспубліка Беларусь - такі шлях, пройдзены Мінскам за стагоддзі. Вы ўбачыце Петра-Паўлаўскую царкву пачатку ХVII стагоддзя і "Чырвоны" касцёл пачатку ХХ стагоддзя; найстаражытную вуліцу Нямігу, што пачыналася ад крэпасці - Мінскага замка, і маляўнічы Верхні горад, з якім жыццё Мінска была звязана на працягу пяці стагоддзяў. У Верхнім горадзе захаваліся помнікі архітэктуры XVII - пачатку XX стагоддзя. На яго галоўнай плошчы - плошчы Свабоды - Вы ўбачыце ратушу, гасціны двор, гандлёвыя рады, некалькі манастырскіх комплексаў (бэрнардынаў, базыльянаў, езуітаў). Тут Вы наведаеце найбольш каштоўныя архітэктурныя помнікі горада – Кафедральныя праваслаўны і каталіцкі саборы ХVII стагодзя. 

А потым Вас чакае паўгадзінны арганны канцэрт у канцэртавай зале «Верхні горад» (у адноўленым будынку мужчынскага манастыра бернардынаў ізноў загучаў орган!) Тут Вы пачуеце папулярныя кампазіцыі сусветнай арганнай класікі (пры групе меней за 15 чал. – экскурсія ў Мінскую Ратушу). 

Велічныя ансамблі галоўных плошчаў і праспектаў Мінска, манументальныя грамадскія будынкі эпохі канструктывізму, скверы і паркі паўстануць перад Вашым позіркам. Трагедыя жыхароў горада ў гады Вялікай Айчыннай вайны; сучасны, дынамічны Мінск мяжы ХХ-ХХI стагоддзяў - усё гэта таксама знойдзе адлюстраванне ў экскурсіі. Гісторыя горада, яго вялікія людзі цудоўным чынам ажывуць ў аповедзе экскурсавода i працягнуць сваё апавяданне падчас пешаходнай прагулкі па Траецкім прадмесці, дзе кіпела жыццё горада пазамінулага стагоддзя і куды сёння вабяць гасцей музеі, сувенірныя крамы, утульныя кафэ, карчмы і многае іншае. Гэта і завершыць вандраванне па беларускай сталіцы ў часе і ў прасторы.

Абед.

15.00 Экскурсія ў Мемарыяльны комплекс Хатынь (3,5 гадзіны).

Экскурсія прысвечана падзеям Вялікай Айчыннай вайны, доўгім гадам акупацыі і барацьбы беларускага народа супраць захопнікаў. У дзень вясновага раўнадзенства, 22 сакавіка 1943 года, адбылася трагедыя, якая стала сімвалам пакут грамадзянскага насельніцтва ў гады Вялікай Айчыннай вайны – згубленая ў лясах вёска Хатынь была спалена разам з 149 жыхарамі. На месцы трагедыі ў 1968 годзе архітэктары Ю. Градаў, В. Занковіч, Л. Левін і скульптар С. Селіханаў стварылі велічны мемарыял, знакаміты цяпер на ўвесь свет. Ён створаны ў памяць сотняў беларускіх вёсак, знішчаных нацыстамі ў гады Вялікай Айчыннай вайны і велізарнага ўкладу беларускага народа, што прынёс незлічоныя ахвяры – кожны 3-і жыхар Беларусі загінуў у гады Вялікай Айчыннай вайны. Мемарыяльны архітэктурна-скульптурны комплекс, якi займае плошчу каля 50 га, атрымаў планіровачную схему былой вёскі Хатынь. Фармуецца ён з асобных фрагментаў. У цэнтры кампазіцыі высіцца шасцімятровая бронзавая скульптура "Нескароны чалавек" з забітым дзіцём на руках. Побач стуленыя гранітныя пліты, сімвалізуючыя дах адрыны, у якім былі спалены жыхары вёскі. Былая вуліца вёскі выкладзена шэрымі, пад колер попелу, плітамі. У тых месцах, дзе стаялі хаты, пастаўлена 26 абеліскаў у выглядзе апаленых агнём пячных труб. На іх – бронзавыя шыльды з імёнамі тых, хто тут нарадзіўся і жыў. А зверху – сумна звінячыя званы. Тут жа знаходзяцца адзіные ў свеце Могілкі вёсак; у памяць пра ахвяр фашысцкага тэрору гарыць Вечны агонь. Напрыканцы экскурсіі Вы наведаеце Курган Славы – помнік воінам-вызваліцелям Мінска, зможаце падняцца на яго вяршыню.

Вяртанне ў Мінск каля 18.30. Вольны чаc. Начлег у Мінску.