8.00 Выезд з Мінска. Па дарозе ў Віцебск Вы ўбачыце найпрыгажэйшыя ландшафты Беларусі - так званую "Беларускую Швейцарыю". Бярэзінскі біясферны запаведнік быў створаны ў 1925 годзе ў ваколіцах ракі Бярэзіна для аховы біялагічнай разнастайнасці прыроды; цяпер гэта - сапраўдны эталон, адзін з нешматлікіх, якія захаваліся ў Еўропе ў першапачатковым выглядзе куткоў натуральнай прыроды. Знаёмства з багатай прыродай запаведніка пачынаецца ў Музеі Прыроды з інтэрактыўнай экспазіцыі жывёльнага і расліннага свету. Затым наведванне вальераў з жывёламі: на краі сасновага бору на плошчы 12 га адкрыты прасторны сучасны лясной заапарк, дзе Вас чакаюць характэрныя насельнікі нашага запаведнага лесу, прычым ва ўмовах, блізкіх да натуральных; тут ёсць мядзведзі, зубры, рысі, алені, казулі, лісы, ваўкі і многія іншыя. Масу уражанняў гарантуем!

Пераезд у Віцебск, рассяленне ў гасцініцы, абед.

Горад, царска пастаўлены на Заходняй Дзвіне, паўстаў яшчэ ў X стагоддзі і гуляў вялікую ролю ў гісторыі Беларусі. У час агляднай экскурсіі Вы пабываеце ў яго гістарычнай частцы з захаванай і адноўленай забудовай ХVIII-XIX ст. Вы ўбачыце сімвал Магдэбургскага права горада - грацыёзную ратушу, пабудаваную ў 1775 г. На высокім беразе Заходняй Дзвіны размешчана адно з манументальных збудаванняў старога Віцебска - Палац губернатара (XVIII ст.), які захоўвае памяць аб бурным мінулым горада. Адноўлены на стромкім беразе ракі Віцьбы Успенскі сабор былога кляштара базыльянаў стаў вытанчанай глядзельнай дамінантай горада. Вы ўбачыце таксама Васкрасенскую царкву - помнік архітэктуры віленскага барока; адноўленую ў візантыйскім стылі царква Звеставання. У культурную спадчыну Віцебска ўваходзяць таксама гістарычна складзеная планіровачная структура горада, будынкi ў стылі мадэрн. У ходзе экскурсіі Вы ўбачыце стылізаваную сярэдневяковую вежу "Духаўскі круглік", пацешныя вулічныя скульптуры, арыгінальныя малыя архітэктурныя формы. Вас таксама чакае шпацыр па маляўнічай пешаходнай вуліцы горада з сувенірнымі крамамі, утульнымі кавярнямі.

У пачатку XX стагоддзя Віцебск ператварыўся ў своеасаблівы сімвал дынамічнага мастацтва сусветна вядомай "Віцебскай школы", яркімі прадстаўнікамі якой сталі геніяльны Марк Шагал, аўтар таямнічага "Чорнага квадрата" Канстанцін Малевіч, стваральнік Рускіх сезонаў у Парыжы Мсціслаў Дабужынскі. Творы гэтых мастакоў выстаўлены ў найбуйнейшых музеях свету і праславілі нашу школу жывапісу. "О Парыж! Ты - мой другі Віцебск!" - усклікнуў найвялікшы мастак XX стагоддзя Марк Шагал, праз усё жыццё пранесшы любоў да гэтага горада. Наведванне Музея Марка Шагала ў доме на Пакроўскай вуліцы, які ў пачатку 1900-х гг. пабудаваў бацька Марка Шагала і дзе мастак правёў свае юнацкія гады. У музеі прадстаўлены прадметы побыту мяжы XIX-XX ст., архіўныя дакументы, якія распавядаюць пра жыццё Марка Шагала ў Віцебску.

Вольны час, прагулкі па горадзе, наведванне крамаў. Начлег у Віцебску.