Праграма

Экскурсія ў Бярэзінскі біясферны запаведнік

Бярэзінскі біясферны запаведнік — гэта адна з самых прыгожых прыродных тэрыторый Беларусі, якая мае у тым лiку i мiжнароднае прызнанне. 

Экскурсія ў Біясферны запаведнік пачынаецца ў в. Домжарыцы. У цэнтральнай сядзібе Бярэзінскага запаведнiка турыстаў сустракае экскурсавод, які пачынае дзіўнае апавяданне пра флору і фауну гэтага месца ў Музеі прыроды. Вы зможаце пазнаёміцца з прадстаўнікамі Вялікай Еўрапейскай Пяцёркі, якіх можна сустрэць у запаведніку: рысь, мядзведзь, зубр, лось і воўк. Акрамя гэтага, калекцыя музея налічвае больш, чым 200 відаў іншых жывёл.

Пасля гэтага турысты атрымаюць магчымасць у поўнай меры атрымаць асалоду ад захаванай прыроды Бярэзінскага запаведніка, а таксама паслухаць гісторыі пра лес, балота i iх жыхароў, якія апавядае экскурсавод, наведваючы экасцежку пад назвай "Па лясной запаведнай сцяжыне".

 Далей турыстаў чакае самастойнае наведванне Заапарку з ляснымi i дамашнiмi жывеламi. Тут жывуць шматлікія прадстаўнікі жывёльнага свету Беларусі, у тым ліку сімвал запаведніка — мядзведзь. Некаторых з іх можна пачаставаць спецыяльным кормам. Эмблема бiясфернага запаведнiка — чырвоны шчыт з намаляваным на ім мядзведзем — сімвалізуе абарону мясцовай флоры і фауны. Шматлікія віды раслін і жывёл уваходзяць у спіс Чырвонай кнігі Рэспублікі Беларусь.

Пасля заканчэння экскурсій у турыстаў есць магчымасць паспрабаваць найсмачнейшы абед з нацыянальных беларускіх страў у рэстаране гасцініцы «Сергуч».