Аглядная экскурсія па Мінску + Ратуша + канцэрт

Праграма

Праграма агляднай экскурсіі па Мінску

Падчас экскурсіі Вы даведаецеся аб мінулым горада ў шырокіх гістарычных рамках. Полацкае княства, Вялікае княства Літоўскае, Рэч Паспалітая, Расійская імперыя, Савецкая Беларусь і Рэспубліка Беларусь — такі шлях, пройдзены Мінскам за стагоддзя. Вы ўбачыце Петра-Паўлаўскую царкву пачатку ХVII ст. і «Чырвоны» касцёл пачатку ХХ ст.; найстаражытную вуліцу Нямігу, што пачыналася ад Мінскага замка, і маляўнічы Верхні горад, з якім жыццё Мінска была звязана на працягу пяці стагоддзяў. У Верхнім горадзе захаваліся помнікі архітэктуры XVII-XIX стагоддзяў.  На яго галоўнай плошчы — плошчы Свабоды — Вы ўбачыце ратушу, гасціны двор, гандлёвыя рады, некалькі манастырскіх комплексаў (бэрнардынаў, базыльянаў, піяраў). Тут Вы ўбачыце найбольш каштоўныя архітэктурныя помнікі горада — Кафедральныя праваслаўны і каталіцкі саборы ХVII ст., Ратушу.

Вы даведаецеся пра старонкі жыцця дарэвалюцыйнага Мінска, працы гарадскога магістрата, традыцыі Магдэбургскага права. А затым Вас чакае паўгадзіннае музычна-тэатралізаванае прадстаўленне «Манюшкі сустракае гасцей» ў канцэртнай зале «Верхні горад», дзе Вы пачуеце папулярныя кампазіцыі беларускай і сусветнай класікі ў выкананні артыстаў (у перыяд травень-кастрычнік; у міжсезонне - экскурсія ў Ратушу). На плошчы Свабоды можна зрабіць выдатныя фатаграфіі на фоне шматлікіх вулічных скульптур — экіпажа, гарадскіх шаляў, войта.

Далей перад Вашым позіркам паўстануць велічныя ансамблі плошчаў і праспектаў Мінска, манументальныя будынкi эпохі канструктывізму, знакаміты ансамбль галоўнай вуліцы Мінска — помніка канструктывізму, сучасныя грамадскія і спартыўныя збудаванні — арыгінальная Нацыянальная бібліятэка і грандыёзная Мінск-арэна. Трагедыя жыхароў горада ў гады Вялікай Айчыннай вайны; сучасны, дынамічны Мінск мяжы ХХ-ХХІ стагоддзяў — усё гэта таксама знойдзе адлюстраванне ў экскурсіі.

Гісторыя горада, яго вялікія людзі цудоўным чынам ажывуць у аповедзе экскурсавода і працягнуць сваё апавяданне падчас пешаходнай прагулкі па маляўнічым Траецкiм прадмесцi, дзе кіпела жыццё горада пазамінулага стагоддзя і куды сёння вабяць гасцей музеі, сувенірныя крамы, утульныя кафэ, карчмы і многае іншае. Гэтая прагулка і завершыць падарожжа па беларускай сталіцы ў часе і ў прасторы.