Экскурсія «Мемарыяльны комплекс Хатынь - Курган Славы»

Праграма

Экскурсія па памятных месцах Беларусі

Адны з самых наведвальных месцаў Беларусі – гэта галоўныя славутасці, што захоўваюць памяць пра подвіг народа, які той здзейсніў падчас ВАВ – Хатынь і Курган Славы. Экскурсія, купіць якую вы можаце ў нас на сайце, прысвечана падзеям Вялікай Айчыннай вайны, доўгім гадам акупацыі і барацьбы беларускага народа супраць захопнікаў. У дзень вясновага раўнадзенства, 22 сакавіка 1943 года, адбылася трагедыя, якая стала сімвалам пакут грамадзянскага насельніцтва ў гады Вялікай Айчыннай вайны – згубленая ў лясах вёска Хатынь была спалена разам з 149 жыхарамі. На месцы трагедыі ў 1968 годзе архітэктары Ю. Градаў, В. Занковіч, Л. Левін і скульптар С. Селіханаў стварылі велічны мемарыял, знакаміты цяпер на ўвесь свет. Ён створаны ў памяць сотняў беларускіх вёсак, знішчаных нацыстамі ў гады Вялікай Айчыннай вайны і велізарнага ўкладу беларускага народа, што прынёс незлічоныя ахвяры – кожны 3-і жыхар Беларусі загінуў у гады Вялікай Айчыннай вайны. 

Мемарыяльны архітэктурна-скульптурны комплекс, якi займае плошчу каля 50 га, атрымаў планіровачную схему былой вёскі Хатынь. Фармуецца ён з асобных фрагментаў. У цэнтры кампазіцыі высіцца шасцімятровая бронзавая скульптура «Нескароны чалавек» з забітым дзіцём на руках. Побач стуленыя гранітныя пліты, сімвалізуючыя дах адрыны, у якім былі спалены жыхары вёскі. Былая вуліца вёскі выкладзена шэрымі, пад колер попелу, плітамі. У тых месцах, дзе стаялі хаты, пастаўлена 26 абеліскаў у выглядзе апаленых агнём пячных труб. На іх – бронзавыя шыльды з імёнамі тых, хто тут нарадзіўся і жыў. А зверху – сумна звінячыя званы. Тут жа знаходзяцца адзіные ў свеце Могілкі вёсак; у памяць пра ахвяр фашысцкага тэрору гарыць Вечны агонь.

Экскурсіі па памятных месцах Беларусі з выездам з Мінска

Факты гісторыі Беларусі захоўвае і іншая выбітнасць, якую Вы наведаеце напрыканцы экскурсіі – Курган Славы. Помнік збудаваны ў гонар ваеннай аперацыі «Баграціён», падчас якой, як Вам вядома з гісторыі Беларусі, была вызвалена тэрыторыя нашай краіны. Скарыстаўшыся нашымі турыстычнымі паслугамі, Вы атрымліваеце магчымасць падняцца на яго вяршыню.