Праграма

Шырыня і прастор прыродных карцін адной з найпрыгожых азёрных сістэм Беларусі - Браслаўскага краю; чараўніцтва зеляніны і пясчаных берагоў, астравоў, водмеляў - усё гэта шчодра падорыць Вам гэта экскурсія ў Беларускае Паазёр'е. Першым пунктам нашага маршруту стане вёска Відзы, дзе знаходзіцца грандыёзны касцёл Божага Нараджэння Дзевы Марыі. У розных крыніцах паказваецца вышыня храма ад 59 до 76 м. У кожным разе, гэта адзін з самых высокіх (а магчыма, і самы высокі) касцёлаў Беларусі. І адзін з самых прыгожых!

Сістэма Браслаўскіх азёр, назву якім даў горад Браслаў, характарызуецца некранутай прыродай і яркімі помнікамі даўніны. Азёры займаюць тут 10 % тэрыторыі. Прыгажосць і эстэтычную каштоўнасць гэтаму краю надаюць мудрагелістыя карункі з больш чым 30 азёр, злучаных міжсобку пратокамі, а таксама маляўнічыя ўзгоркі, пакрытыя лесам, якія адлучаюць адно возера ад іншага. 

Змесцаваны ў самым цэнтры групы азёр горад Браслаў - і ў мінулым, і сёння - фармуецца вакол Замкавай гары. Нерэгулярнае планаванне са звілістымі вуліцамі і маляўніча раскіданымі на пагорках "камяніцамі" надае адменнае зачараванне гэтаму кутку азёрнай сталіцы. У горадзе захаваліся ўзоры народнага драўлянага дойлідства, а таксама характэрная ансамблевая забудова ў стылі мадэрн. Два культавыя помнікі канцы 19 ст. сваімі вежамі фармуюць выразны сілуэт горада - Царква Спачыну і касцёл Божага Нараджэння Найсвяцейшай Дзевы Марыі, дзе захоўваецца каранаваны абраз Божай Маткі. З Замкавай гары адкрываецца незабыўная панарама Браслава.

Падчас экскурсіі Вы пазнаёміцеся з найболей цікавымі прыроднымі і гістарычнымі аб'ектамі Нацыянальнага парка "Браслаўскія азёры", палюбуецеся цудоўнай карцінай азёрных пейзажаў з гары "Маяк" (у Браслаўскім раёне ўсяго каля 200 азёр!), зможаце выпіць лекавай вады з лясной крыніцы.

У змесцаванай паміж азёрамі вёсцы Слабодцы знаходзіцца касцёл Промыслу Божага, які таксама часта завуць храмам Сэрца Ісуса. Беласнежная святыня дзякуючы сваёй прыгажосці і багатай гісторыі з'яўляецца знакам усёй Браслаўшчыны. Запасьцеся фотаапаратам, зручнай абаўю, добрым настроем - Вас чакае цудоўны дзень!