Тур «ALBARUTHENIA: Брэст - Пушча, 2 дні»

Сняданак шведскі стол, высяленне з гасцініцы.

Аглядная экскурсія па Брэсце. Брэст – старадаўні горад на мяжы Беларусі і Польшчы (першае згадванне ў 1019 годзе!). Горад мае старажытную і насычаную гісторыю: першым з беларускіх гарадоў ён атрымаў Магдэбургскае права; тут у 1596 годзе была складзена Брэсцкая царкоўная ўнія, што з'яднала ўсходнюю і заходнюю галіны хрысціянства; тут жылі многія выбітныя людзі. У 1921 годзе Брэст увайшоў у склад Польшчы, а ў верасні 1939 гады – у СССР. Вы ўбачыце культурную спадчыну гэтага горада, яго старажытныя і сучасныя помнікі: Свята-Сімяонаўскі сабор, Мікалаеўскую братэрскую царкву, асабнякі XIX – пачатку XX стагоддзя. Вы прагуляецеся па маляўнічай галоўнай вуліцы горада.

Экскурсія ў Белавежскую пушчу, занесеную ў Спіс сусветнай культурнай і прыроднай спадчыны ЮНЭСКА. Цяпер гэта – Нацыянальны парк, у якім спалучаюцца багаты раслінны свет і дзівосныя ландшафты. Тут расце самая высокая елка Еўропы, тут жывуць магутныя зубры, тут дзіўная разнастайнасць свету жывёл. Мноства вялікіх імёнаў злучана з гэтымі краямі – ад братоў Тышкевічаў і Тызенгаўзаў да Напалеона і Мікалая II. У Пушчы вы наведаеце Музей прыроды, багатая калекцыя экспанатаў якога ўяўляе поўную палітру флоры і фаўны Беларусі. Наведванне Маёнтка Дзеда Мароза – казачнай сядзібы са шматлікімі пабудовамі і сюрпрызамі. Маёнтак размешчаны ў глыбіні Белавежскай пушчы, дзе ўладкаваны кармушкі для зуброў. Тут пабудаваны хаткі Дзеда Мароза і Снягуркі, сховішча падарункаў Дзеда Мароза «Скарбніца», млын. Наведванне вальераў з жывёламі. Вольны час для фатаграфавання і куплі сувеніраў з дрэва, гліны, саломкі.

Пераезд у Брэст з песняй «Белавежская пушча». Па дарозе, у мястэчку Камянец, знаходзіцца велічная вежа-данжон вышынёй 30 метраў, пабудаваная ў канцы ХІІІ стагоддзя. Абед.

Вольны час, шпацыры, купля сувеніраў. Выезд у Мінск пасля 16.00

Прыбыццё ў Мінск каля 22.00.