У Беларусі пройдзе Сусветная шахматная алімпіяда 2022 года

04.02.2019

У кастрычніку мінулага года Беларусь атрымала магчымасць правесці ў жніўні 2022 года Сусветную шахматную алімпіяду і кангрэс ФІДЭ, жаночы Кубак свету ў 2020 годзе і мужчынскі ў 2021-м.

Рашэнне было прынята на кангрэсе Міжнароднай шахматнай федэрацыі ў Батумі. Працягласць Сусветнай шахматнай алімпіяды – два тыдні. За час яе правядзення Беларусь змогуць наведаць каля 3 000 гульцоў з 180 краін і 2 000 асоб, якія будуць суправаджаць іх, журналістаў і турыстаў.

У Беларускай федэрацыі шахмат ужо ёсць вопыт правядзення падобных мерапрыемстваў. У чэрвені 2018 года прайшоў Чэмпіянат свету сярод кадэтаў па хуткіх шахматах і бліцы. Беларуская федэрацыі шахмат атрымала высокую адзнаку за арганізацыю чэмпіянату ад гасцей спаборніцтваў.

Заснавана на: grodnonews.by 

Вярнуцца да спісу