Сімвал II Еўрапейскіх гульняў лісяня Лесік будзе красавацца ў 6 кропках Мінска

11.02.2019

Стала вядома 6 кропак у Мінску, дзе будзе размешчаны сімвал II Еўрапейскіх гульняў лісяня Лесіка. Пра гэта паведамляе агенцтва «Мінск-Навіны». Адна постаць лісяня будзе стаяць поруч са стадыёнам «Дынама». Астатнія 5 будуць размешчаны на ўездзе ў Мінск з Брэсцкай, Віцебскай, Гродзенскай і Магілёўскай трас. Распрацоўка эскізных прапаноў пра памеры постаці і іншых дэталях яшчэ наперадзе.

Нагадаем, талісман лісяня Лесік II Еўрапейскіх гульняў быў прадстаўлены ў лістападзе 2018 года. Зусім нядаўна ён стаў пераможцам зімовага алімпійскага фэсту ў Літве.

Заснавана на: tio.by 

Вярнуцца да спісу