Гісторыя ўзнікнення царквы Святога Духа ў вёсцы Галічы

Невялікая вёсачка Галічы знаходзіцца ў Клімавіцкім раёне на тэрыторыі сучаснай Магілёўскай вобласці. У гэтай хоць і невялікай, але ўтульнай вёсцы размясціўся храм Святога духа. Дата заканчэння будаўніцтва царквы – 1882 год. Храм быў пабудаваны з цэглы і часткова з дрэва. Царква была першым цагляным будынкам сярод усіх пабудоў вёскі. Раней тут знаходзілася цалкам драўляная царква, размешчаная метрах у 30 ад новай. Новы будынак храма ўзводзіўся за кошт дзяржаўных сродкаў, але невялікая іх частка была сабрана з сялян. Тыя, хто быў бедны і не меў грошай, аддавалі хлебам. Архітэктурны стыль дадзенай пабудовы мастацтвазнаўцы аднеслі да псеўдабарока.

Будынак праектаваўся ў Маскве, пасля чаго праект быў дасланы ў вёску Галічы для ўзвядзення. Кіраўніком будаўніцтва быў памешчык Гюббенет, які меў маёнткі ў некалькіх вёсках. Раней на месцы будоўлі знаходзіліся могілкі.

У 1930 годзе будынак царквы быў закрыты. Пасля зняцця купалоў пабудову пераабсталявалі пад клуб. У пасляваенны перыяд у сценах храма быў склад, які належаў калгасу.

У канцы XIX стагоддзя сцены храма наведваў Магілёўскі біскуп, які ў мясцовай газеце напісаў свае ўражанні ад наведвання гэтай святыні. У цэлым, яму спадабалася трывалая канструкцыя храма, аднак з недахопаў адзначыў малую змяшчальнасць для вернікаў і не вельмі якасны спевў царкоўнага хору.

Царква Святога Духа зараз не дзейнічае. Сам фасад страціў належны выгляд. Сцены выглядаюць пашарпанымі і старымі. Дзіўна, што цэласнасць будынка яшчэ не парушаная, а таксама захаваліся вокны ў сценах пабудовы. На сённяшні дзень вядзецца збор сродкаў, неабходных для аднаўлення святыні.