Помнік былому гаспадару Шклова, графу Зорычу, паставілі да рэспубліканскіх "Дажынак". Скульптар паказаў яго ў выглядзе асветніка: адухоўлены твар, стос чарцяжоў пад пахай. Сапраўды, гэты ваяка-авантурыст, серб па паходжанні, які атрымаў Шклоў ад расійскай царыцы Кацярыны II, нямала зрабіў для горада.
Сямён Зорыч - асоба ў горадзе ганаровая і вядомая. Лічыцца, што пры ім Шклоў - ён тады меў статус мястэчка - дасягнуў свайго росквіту. Знаходзячыся ў Шклове, Сямён Зорыч праславіў і горад, і сябе тым, што стварыў тут тэатр, кадэцкі корпус і шэраг буйных прыгонных мануфактур.