Нацыянальны парк «Браслаўскія азёры» вядомы не толькі кожнаму жыхару Беларусі, але і далёка за яе межамі. Ад Мінска да Браслаўскіх азёр ляжыць адлегласць у 250 км, ад Віцебска - 235 км. Стварэнне парка адбылося ў жніўні 1995 года. Сёння ён раскінуўся на плошчы ў 70 тысяч гектараў. Цэнтрам, вакол якога сфарміравалася ўнікальная зона адпачынку, з'яўляецца група з трох сотняў азёр і вадаёмаў. За незвычайную празрыстасць вады і хараство гэты водны комплекс быў названы «блакітнымі каралямі» Беларусі.

Агульная плошча воднай роўнядзі Браслава складае каля 180 кв. км. Самым глыбокім возерам прынята лічыць Воласа Паўднёвы, бо яго глыбіня дасягае 40 метраў. У тройку самых глыбокіх азёр таксама ўваходзіць Воласа Паўночны і Укля. Фарміраванне комплексу азёр, а таксама ўзгоркаў і раўнін адбылося пры адступе ледавіка з поўдня на поўнач. Такім чынам, Браслаўскае паазер'е сфарміравалася 18-10 тысяч гадоў назад. Ледавік пакінуў пасля сябе таксама вялікую колькасць валуноў і камянёў, самым буйным з якіх мясцовыя жыхары нават далі мянушкі: Божы след, Чортаў след, Каровін камень і іншыя.

Сярод элементаў прыроднага ландшафту варта адзначыць востраў Чайчын, які размясціўся на возеры Струста. На востраве скхавалася невялікае маляўнічае азярцо. У 30-я гады XX стагоддзя востраў яшчэ быў часткай архіпелага, на якім размяшчаліся дзве вёскі і жылі людзі. Цяпер у гэтым месцы няма сталых жыхароў, аднак для турыстаў уладкавана шмат зручных месцаў адпачынку з альтанкамі і месцамі для развядзення вогнішча.

У вадаёмах Браслаўскіх азёр водзіцца каля 30 відаў рыб. Штогод сотні турыстаў наведваюць гэтыя месцы для правядзення рыбалкі. Шчупакі, ляшчы, судакі і сазаны – вось далёка няпоўны пералік трафеяў, якія вязуць з сабой як дасведчаныя рыбакі, так і простыя аматары рыбнай лоўлі. Для захавання рыбных рэсурсаў кожнаму рыбаку дазваляецца лавіць не больш за пяць кілаграм у дзень, што з'яўляецца вельмі немалой здабычай.

У нацыянальным парку жыве каля 200 відаў птушак, 45 з якіх з'яўляюцца рэдкімі, тымі, што могуць у хуткім часе знікнуць. Турыстам даецца магчымасць убачыць лебедзя-шыпуна, чорнага бусла, шызую чайку, шэрага жураўля.

Багаты і жывёльны свет Браслава. Тут жывуць барсукі, лісіцы, бурыя мядзведзі, рысі. Вялікую цікавасць уяўляе паляванне ў лясах нацыянальнага парка. Па спецыяльнай ліцэнзіі штогод здабываюцца дзве сотні ласёў і казуль. Акрамя таго, арганізуецца паляванне на зайцоў, кабаноў, ваўкоў, янотападобнага сабаку. Паляўнічая гаспадарка мяжуе з Літвой і Латвіяй.

На тэрыторыі нацыянальнага парка «Браслаўскія азёры» вядзецца навукова-даследніцкая дзейнасць. Мэта працы калектыву навуковай базы – вывучыць прыродныя аб'екты, укараніць навуковыя метады па захаванні жывёльнага і расліннага свету парка.

Чатыры базы адпачынку, размешчаных на Браслаўскіх азёрах, кожны год размяшчаюць вялікую колькасць турыстаў з Беларусі, а таксама краін Еўропы і нават ЗША. У кожнага, хто наведаў нацыянальны парк Віцебскай вобласці, застаюцца толькі прыемныя ўражанні і ўспаміны.