Мінскі нацыянальны мастацкі музей

Культурнай скарбніцай нашай краіны з вялікай колькацю ўнікальных экспанатаў з’яўляецца Мінскі мастацкі музей. На сённяшні дзень гэта і музей-галерэя, і месца збору ўсіх мастакоў краіны і гасцей сталіцы.

Першапачаткова ў горадзе Мінску была адкрыта Дзяржаўная галерэя, у аснове экспазіцыі якой былі творы, прывезеныя з розных гарадоў Беларусі, а таксама карціны з расійскіх музеяў. Пазней галерэю дапоўнілі экзэмпляры з інтэр’ераў беларускіх замкаў, сярод якіх былі габелены з Францыі, жывапіс XVI стагоддзя і г.д. У гады Вялікай Айчыннай вайны ўвесь збор твораў мастацтва вывезлі з краіны, пасля чаго гісторыя многіх шэдэўраў невядома. Пасля вайны вырашылі ўзнаўляць страты:  былі прывезены вядомыя работы рускіх мастакоў. У час 1957 года адбылося адкрыццё музея, будынак якога спраектаваў Міхаіл Бакланаў. За доўгі час свайго існавання музей паступова папаўняўся ўсё новымі і новымі шэдэўрамі жывапісу, графікі, іканапісу і многім іншым. А ўжо ў 90-я гады музей стаў вялікім комплексам, які аб’яднаў у сябе пяць раздзелаў, куды адносяцца Мірскі і Гальшанскі замкі.

У канцы XX стагоддзя музей значна пашырыў сваю тэрыторыю. Выставіць усе атрыманыя экспанаты ў адным памяшканні стала проста немагчымым, тады і было вырашана, што патрэбна яшчэ месца. Музей пашырылі за кошт будынкаў, якія знаходзіліся побач. Тады ж прынялі рашэнне аб рэканструкцыі, пасля правядзення якой у 2007 годзе адкрылі новы корпус музея. Над інтэр’ерам таксама вельмі плённа папрацавалі – унутры будынак музея выглядае як горад з дахам, які ўпрыгожваюць калоны з аркамі і купал са шкла. Будынак па сваёй плошчы дастаткова вялікі – 8902 метры квадратныя. Акрамя самаго музея, тут ёсць і месца захоўвання рэдкіх экзэмпляраў, свая рэстаўрацыйная майстэрня, у якой ёсць усё самае неабходнае сучаснае абсталяванне. Музей пастаянна папаўняе свой электронны каталог для таго, каб абменьвацца інфармацыяй з другімі музеямі ўсяго свету, бібліятэчным фондам. Шмат гадоў тут знаходзіцца месца, дзе дзеці таксама могуць сябе адчуць мастакамі, творцамі мастацтва.

На сённяшні дзень у галоўным музее Беларусі захоўваюць больш за 30 000 экспанатаў, у якія ўваходзяць творы не толькі нашага мастацтва, але і сусветнага ўзроўню. Тут можна пазнаёміцца са старажытным іканапісам, скульптурай, тканінай і разьбой па дрэве, жывапісам XIX стагоддзя, рознымі прадметамі мастацтва XIX стагоддзя і многім іншым. Галоўны  музей Беларусі пастаянна дапаўняе сваю калекцыю творамі з розных краін. Зараз у ім кожны можа ўбачыць работы Васняцова і іншых мастакоў, імёны якіх на слыху не толькі ў Беларусі і Расіі, але і ва ўсім свеце. Гэты музей неабходна ўбачыць кожнаму жыхару краіны, ён нікога не аставіць раўнадушным.