Музей гісторыі Вялікай Айчыннай Вайны

27 000 000 савецкіх людзей, што дачасна загінулі, 1 710 разбураных гарадоў і пасёлкаў, 70 000 знішчаных дашчэнту вёсак – такія дэмаграфічныя і геаграфічныя страты панёс СССР у выніку вайны з Германіяй. Вайна пакінула глыбокі след у сэрцы кожнага чалавека, таму ідэю аб адкрыцці настолькі значнага музея падтрымалі ўсім народам і ператварылі ў жыцце ўжо ў чэрвені 1942 года. У гэтым годзе распачалі збор важных архіўных ваенных дакументаў, а ў лістападзе ў маскоўскім дзяржаўным гістарычным музеі адкрылася першая выстава «Беларусь жыве. Беларусь змагаецца. Беларусь была і будзе савецкай», якая ўключала ў сябе 313 экспанатаў і складалася з фотаздымкаў і дакументаў ваеннага часу.

Праз два гады экспазіцыю перамясцілі ў мінскі музей гісторыі, аднак экспанатаў было настолькі многа, што яны патрабавалі новага месца для размяшчэння і захоўвання, больш прасторнага і сучаснага.

Комплекс, які дзівіць сваімі маштабам, быў пабудаваны на плошчы Герояў, а ў 2010 годзе Прэзідэнт Беларусі заклаў капсулу з пасланнем. У ім указана асноўная мэта адкрыцця Музея Вялікай Айчыннай вайны – стварыць не проста цікавую экспазіцыю, а народны сімвал гераізму, доблесці і славы.

Паглядзець на залацісты куб з капсулай можна на першым паверсе музея. Дзеля зручнасці перамяшчэння па комплексе тут усталяваны інтэрактыўныя тэрміналы са схемай размяшчэння дзесяці экспазіцыйных залаў. У першай зале, якая мае назву «Мір і вайна», вы ўбачыце інтэрактыўны зямны шар, які праецыруе карту свету. На сценах залы адлюстроўваюцца надпісы савецкіх салдат «Паміраю, але не здаюся».

Экспазіцыя «Свет напярэдадні і ў першыя гады Другой сусветнай вайны» распавядае пра жыццё савецкіх грамадзян у мірны час. Вы ўбачыце рэкламныя афішы, асабістыя лісты, рэдкія фатаграфіі, рарытэтную зброю, паглядзіце дакументальны фільм. Звярніце ўвагу на шэраг памятных дат, размешчаных на падлозе – яны распавядаюць пра падзеі, якія адбыліся ў краіне ў перыяд з 1919 па 1941 год.

Трэцяя зала «Дарога вайны» з'яўляецца самай маштабнай і займае больш за 500 квадратных метраў. Зайшоўшы сюды, вы ўбачыце «жывыя» экспазіцыі, якія паказваюць эпізоды ваеннага часу. Напрыклад, двух савецкіх салдат, якія падпільноўваюць ворага, а побач з імі - знакамітую машыну «палутарку». Чым жа праславілася «палутарка»? ГАЗ набылі для сялянскіх патрэб, але ўжо ў першыя дні вайны аўтамабіль разам са сваім нязменным кіроўцам Паўлам Міхайлавым апынуўся на фронце. Міхайлаў і «палутарка» прайшлі разам усю вайну, актыўна ўдзельнічаючы ў абарончых і выратавальных аперацыях. Нават пасля вайны не расстаўся Павел з аўтамабілем, а пад канец свайго жыцця завяшчаў яго музею. Дарэчы, цікавы і той факт, што менавіта гэтая палутарка знялася ў фільме «Доўгая дарога ў дзюнах».

Захапленне і страх выклікаюць інсталяцыі «Танкавы таран» і «Паветраная атака савецкіх і нямецкіх знішчальнікаў», усталяваныя над столлю музея.

Паглядзець уражлівыя праекцыі можна ў чацвёртай зале, прысвечанай Смаленскай бітве і бітве пад Масквой. У наступных залах прадстаўлены дзіўныя рэалістычныя інсталяцыі: лагер смерці, партызанская вёска ваенных гадоў, жыццё ў тыле, вызваленне Беларусі ад фашысцкіх захопнікаў. На верхнім паверсе, пад празрыстым купалам, размешчана самая светлая зала музея – «Зала перамогі», дзе залатымі літарамі ўвекавечаны імёны беларускіх герояў.

На тэрыторыі музея ўстаноўлена стэла «Мінск - горад-герой», пілоны з гарэльефамі савецкіх герояў і скульптура «Развітанне».

Музей гісторыі Вялікай Айчыннай вайны адкрыты ў любы дзень, акрамя панядзелка і нядзелі.