Музей грошай Groshi у Мінску

Музей грошай Groshi у Мінску

Мінск, вул. Зыбіцкая, 6

Музеі, дамы-музеі

Нумізматычнымі экспазіцыямі ўжо практычна нікога не здзівіць. А што калі мы скажам, што ў Мінску ёсць… унікальны Музей грошай, дзе можна ўбачыць сапраўды незвычайныя экспанаты. У ім прадстаўлены грашовыя сродкі, якія былі ў абароце ў Беларусі з часоў ВКЛ да сучаснай валюты. Самы час здзейсніць віртуальнае вандраванне па яго экспазіцыі, а затым і адправіцца знаёміцца з ёй асабіста.

Як на Зыбіцкай з'явіўся Музей грошай

Як ні дзіўна, але менавіта барная вуліца Мінска стала прыстанкам для новаспечанага музея. А ўсё пачалося з 2011 года, калі выкладчык БДУ Андрэй Місько стаў займацца калекцыянаваннем манет. Хобі настолькі яго захапіла, што з цягам часу ўстала пытанне, дзе захоўваць экспанаты. Тым больш, што Андрэй сам жадаў, каб яго захапленне падзялілі з ім іншыя людзі.

Зыбіцкую абралі ў якасці месца для размяшчэння музея нездарма. Паводле меркавання стваральніка экспазіцыі, менавіта тут знаходзіцца сэрца Мінска. Тут увесь час знаходзіцца шмат турыстаў, якія цікавяцца Беларуссю і яе гісторыяй, хоць менавіта грашовыя знакі адлюстроўваюць шлях, які праходзіць дзяржава.

Рада ад VETLIVA: у Мінску ёсць шмат незвычайных месцаў, якія варта наведаць. Гайд па файным адпачынку ў сталіцы дапаможа вам запоўніць новымі ўражаннямі кожную хвіліну свайго жыцця! А калі вы прыехалі ў Мінск на некалькі дзёнVETLIVA навучыць, як правесці іх у мегаполісе з максімальнай карысцю.

Экспазіцыя Музея грошай Groshi

Гісторыя грошай  — гэта гісторыя самай дзяржавы. У часы росквіту на ўсю моц хадзілі залатыя і срэбныя манеты, а ў перыяды застою яны наадварот знікалі з валютооборота. Экспазіцыя падзелена на дзве тэматычныя групы па адпаведных перыядах.

Перыяды хаджэння манет:

  1. Антычныя манеты;

  2. Куфічны дырхем;

  3. Заходнееўрапейскі дзянарый; 

  4. Безманетны перыяд;

  5. Пражскі грош і першыя манеты Вялікага княства Літоўскага;

  6. XV–XVII стагоддзі; 

  7. XVII–XVIII стст.; 

  8. Часы Расійскай імперыі (XVIII ст.–1917 г.);

  9. Эпоха Заходняй Беларусі (1921-1939 гг.);

  10. Савецкія манеты (1917-1991 гг.);

  11. Сучасныя манеты.

Перыяды хаджэння купюр:

  1. Першыя папяровыя грошы, якія з'явіліся ў XVIII ст.;

  2. Асігнацыі часоў Расійскай Імперыі (1768-1843 гг);

  3. Крэдытныя квіткі эпохі Расійскай Імперыі (1843-1912 гг);

  4. Грашовыя знакі, якія хадзілі падчас Першай сусветнай вайны з 1914 па 1918 гады;

  5. Валюта часоў Польшчы (1917-1939 гг);

  6. Банкноты эпохі РСФСР (1919-1923 гг);

  7. Грашовыя знакі савецкіх часоў (1924-1991 гг)

  8. Банкноты эпохі РФ (1992-1993 гг)

  9. Сучасныя грашовыя знакі, што хадзілі з 1992 па цяперашні час.

Цікавы факт ад VETLIVA: сярэдні кошт кожнага экспаната нямалы і складае не меней 100 BYN. Пры гэтым у мясцовай крамцы любы ахвотнік можа набыць розныя манеты і банкноты, а таксама памятны сувенір. Выдатны варыянт для тых, хто губляецца ў здагадках, што прывезці з Беларусі ці жадае папоўніць шэрагі нумізматаў, але не ведае, з чаго пачаць.

Праз прызму грашовых знакаў можна атрымаць уяўленне пра гісторыю Беларусі, праз якія знамянальныя перыяды яна прайшла. ВКЛ, Рэч паспалітая, перыяды Заходняй Беларусі і СССР — кожная эпоха наклала свой адбітак на валютаабарот. Цікавасць прадстаўляе таксама збор памятных манет Нацыянальнага Банка Рэспублікі Беларусь, бо менавіта яны сталі пачаткам захаплення Андрэя Місько. У музеі, дарэчы, прадстаўлены не толькі грашовыя знакі, але і розныя купоны, аблігацыі, маркі і г.д.

Лайфхак ад VETLIVA: калі вы любіце паходы па музеях, рэкамендуемы нашы артыкулы. У першай і другой частках топу мы расказалі пра самыя файныя з іх, а ў гайдзе па музеях пад адкрытым небам прыадчынілі завесу таямніцы, што ўяўляюць сабою беларускія музеі-скансэны.

Прагуляцца па Зыбіцкай, наведаць некалькі мясцовых канцэптуальных устаноў і пабываць у Музеі грошай Groshi — выдатны план на вечар. Вы даведаецеся шмат новага і напэўна захочаце вярнуцца сюды яшчэ раз!

Крыніца фота: http://mgroshi.by/

Карта месцазнаходжаньня

Пражыванне

Смотреть все
, Мінск , Беларусь
  • Адлегласць да аэрапорта: 40 km
Пражыванне
, Мінск , Беларусь
  • Адлегласць да аэрапорта: 40 km
Пражыванне

Вярнуцца да спісу