Палац Спорту

Шматфункцыянальны спартыўна-канцэртны комплекс "Палац спорту" размешчаны ў цэнтры горада, у гістарычнай лакацыі Татарскія агароды, паміж праспектам Пераможцаў і ракой Свіслач. Палац можа прымаць спаборніцтвы па 22 відах спорту, а таксама канцэрты і іншыя мерапрыемствы. Ёмістасць у спартыўным варыянце складае 3311 гледачоў, у канцэртнай - 4500.

Гісторыя

Палац - адзін з самых буйных спартыўна-відовішчных збудаванняў сталіцы. Комплекс быў адкрыты напярэдадні Дня Перамогі 7 мая 1966 года. У 2001-2004 гадах была праведзена паэтапная рэканструкцыя Палаца спорту: былі абноўленыя фасады будынка, заменена халадзільнае, светлавое і гукавое абсталяванне, усталяваная сістэма кандыцыянавання паветра, замененыя сядзенні для гледачоў, устаноўлена новае электронна-інфармацыйнае табло.

У 1984 годзе Палац спорту уключаны ў Пералiк помнікаў гісторыі і культуры БССР.

Структура

Пляцоўка комплексу ўключае ў сябе вялікую і малыя арэны. Вялікая арэна - гэта спартыўна-відовішчная зала з хакейнай каробкай памеру 61 × 30 м. Малая арэна выкарыстоўваецца як пляцоўка для вучэбна-трэніровачных заняткаў па хакеі і фігурным катанні, яна мае штучнае пластыкавае пакрыццё «сухі лёд».

У 1999 годзе на месцы адкрытай пляцоўкі Палаца спорту была пабудавана крытая трэніровачная арэна. Акрамя хакейнай каробкі (61х30 м) і трыбун на 300 гледачоў на Малой арэне маюцца і іншыя памяшканні, якія забяспечваюць функцыянаванне будынка. Малая арэна Палаца спорту выкарыстоўваецца ў асноўным як пляцоўка для вучэбна-трэніровачных заняткаў па хакеі і фігурным катанні.

У будынку Палаца спорту размяшчаецца трэнажорная зала, памяшканне для заняткаў фітнесам, школа танца.

Ад часу адкрыцця аб'екта тут праведзена велізарная колькасць рэспубліканскіх і міжнародных спаборніцтваў, канцэртаў і выстаў. Сярод самых буйных спартыўных мерапрыемстваў, праведзеных за апошнія пятнаццаць гадоў, можна адзначыць чэмпіянаты свету па хакеі сярод юніёраў (2004, 2010 год); чэмпіянаты Еўропы па цяжкай атлетыцы (2010 год), чэмпіянат Еўропы па боксе (2013 год), чэмпіянат свету па футзале (2015), чэмпіянат Еўропы па фехтаванні U23 (2017), чэмпіянат свету па муай-тай (2017) і іншыя.