Кнігарня «Іскра»

У цэнтры Брэста размешчана некалькі кнігарань. Кожная з іх прыцягвае наведвальнікаў асаблівасцямі асартыменту. Так кнігарня «Іскра» славіцца асартыментам навучальных дапаможнікаў для агульнаадукацыйных і музычных школ. Тут вучні і іх бацькі знойдуць усе неабходныя падручнікі і працоўныя сшыткі.

Асартымент мастацкай літаратуры таксама цешыць наведвальнікаў. Кнігі зручна размеркаваны па аддзелах, пакупнікі без працы адшукаюць патрэбную. Пры неабходнасці ўважлівыя прадаўцы дапамогуць з выбарам.

У краме таксама прадаецца канцылярскае прыладдзе і сувеніры, уключаючы беларускія: скураныя вырабы, нататнікі, кубкі і іншая прадукцыя з беларускай сімволікай.