Выстава абмундзіравання і ваеннай тэхнікі адкрылася ў Брэсце

У мікрараёне Кавалёва на рынку «Лагуна» адкрылі экспазіцыю, прысвечаную Вялікай Айчыннай вайне. Яна стане пастаяннай.

У памяшканні плошчай 200 кв. метраў прадставілі прадметы прыватнай калекцыі Мікалая і Аляксея Цікуновых. Вядомыя ў горадзе бацька і сын выдаткавалі на яе стварэнне каля 15 гадоў. На агляд выставілі мноства ўнікальных і рарытэтных прадметаў. Вы зможаце ўбачыць зброю, ваенную форму, адзежу, карціны і фатаграфіі, асабістыя рэчы салдатаў, лісты, грошы і нават матацыкл.