Выстава мастацкага гарнітура «Ніткі і лічба» ў Мінску

5 траўня ў Мінску ў арт-гасцінай «Высокае мѣста» адкрылася незвычайная экспазіцыя. Наведвальнікам прадэманструюць сучасныя мастацкія гарнітуры, арт-аб'екты з тэкстылю, калекцыі тканін і аксэсуараў, выкананыя ў незвычайных тэхніках.

Новыя тэхналогіі і матэрыялы ўварваліся ў наша жыццё і назаўжды змянілі звыклыя дэталі адзежы і аксэсуары. Мастакі па гарнітуры пакажуць, як выглядаюць сучасная адзежа, тканіны і аксэсуары. Тут ручная вышыўка суседнічае з лічбавым друкам, а класіка — з мадэрнізмам.  

Наведаць выставу можна па 30 траўня ўключна.