Выстава хэндмэйд лялек у Мінску

Экспазіцыя лялек Ірыны Пракоф’евай пройдзе ў філіяле Нацыянальнага мастацкага музея Беларусі – «Хата Ваньковічаў».

Мастачка стварае свае працы з дапамогай палімернай гліны і тэкстылю. На выставе вы ўбачыце зусім розных персанажаў: герояў казак і міфічных істот, фей і чараўнікоў і нават амаль звычайных творчых людзей. Ірына Пракоф’ева не толькі стварае лялек, яна старанна прадумвае іх выяву і характар – у кожнай лялькі свой асаблівы строй і аксэсуары, якія падкрэсліваюць яе індывідуальнасць.

Наведаць выставу можна да 13 студзеня 2022.