Выстава карцін паэткі Галіны Нячаявай у Гомелі

У палацы Румянцавых-Паскевічаў можна ўбачыць карціны паэткі Галіны Нячаявай. 

На экспазіцыі прадставілі як гатовыя карціны, так і накіды аўтара. Майстар стварыла іх падчас вандроўкі па Гомельскай вобласці, Крыме і паўночнай частцы Расіі. 

Частка карцін Нячаявай прысвечана прыродзе – гэта нацюрморты і пейзажы ў далікатных адценнях. Іншыя сюжэты – плён уяўлення аўтара – коні, якія скачуць у яркіх вірах святла, жыццярадасная дзяўчына сярод кветак і раслін, сірэны і іншыя міфалагічныя істоты.   

Пабываць на выставе можна па 28 лістапада.