Тэкстыльныя пано Таццяны Козік прадставяць у Мінску

Экспазіцыю «У пошуках вольнага неба…» адкрылi 8 верасня ў Мастацкай галерэі Міхася Савіцкага.

У працах мастачка малюе свае мары, думы, успаміны і выдуманыя выявы. Габелены і пано Таццяны адрозніваюцца неардынарнасцю і арыгінальным падыходам. Аўтар шмат увагі надае аб'ёму намаляваных элементаў і эксперыментуе з формамі. У працы жанчына выкарыстоўвае поўсць, дрэва, сінтэтыку, скуру і нават металічную сетку. На льняных габеленах Таццяны расквітаюць дзівосныя кветкі, з галінкі на галінку перапырхваюць райскія птушачкі.

Наведаць выставу можна па 3 кастрычніка ўключна.