Фестываль Dance Evolution пройдзе ў Мінску 23 траўня

Мерапрыемства адбудзецца ў Маладзёжным тэатры эстрады. У 2021 годзе конкурс правядуць па трох напрамках: харэаграфія, вакал і тэатральнае мастацтва.

Dance Evolution - конкурс, накіраваны не столькі на спаборніцтва паміж калектывамі, колькі на пошук маладых талентаў. Заяўкі на ўдзел могуць падаць як дзяржаўныя, так і прыватныя калектывы і школы танца. Уменні удзельнікаў ацэняць вядучыя харэографы і дзеячы культуры і мастацтва Беларусі. Акрамя прызоў, пераможцы атрымаюць магчымасць выступаць на адной сцэне са знакамітымі беларускімі артыстамі ў праграмах тэатра. Заяўкі на конкурс прымаюць да 17 траўня.