Вакол Беларусi за сем дзён - дзень сёмы

Вакол Беларусi за сем дзён - дзень сёмы

02.08.2017

Такім чынам, надышоў апошні дзень нашага "кругасветнага" падарожжа па Беларусі. Нагадаем, што прачнуліся мы на сядзібе для рыбакоў пад Мазыром. Пад’еўшы яечню з беконам і кава, трэба было рухацца далей у канчатковую кропку нашага маршруту, адкуль мы і пачалі нашы рух вакол Беларусі - у Гомель.

А пакуль па дарозе ў нас апынуўся Мазыр, вядомы сваім квасам, медавухай і збіценем.

Пiваварны завод у Мазыры

Тут вас сустрэне антуражная прадаўшчыца і рамонт часоў СССР, а таксамасмачнейшая медавуха. Аддаўшы па 4 рублі за літровую бутэльку, медавуха і збіцень былі адкладзены на фініш нашага трыпа, калі можна будзе пакінуць машыну і расслабіцца.

Пiваварны завод у Мазыры

Вось уваход у тую самую краму. Знаходзіцца ён справа, калі стаяць тварам да заводу.  Дарэчы, калі жадаеце паставіць прадаўшчыцу ў тупік, спытаеце, чаму завод завецца "Мозырьпиво", калі піва гэты завод не выпускае ўжо 30 гадоў.

Зусім побач з "Мозырьпиво" ёсць яшчэ адна выбітнасць, якую вы не знойдзеце ні ў адным даведніку. Гэта Мазырскі клуб Маржавання, які размяшчаецца ў доміку шырынёй два на два метры з такой жа маленечкай таблічкай. На жаль, у нас не своечасова разрадзіўся фотаапарат і паказаць мы вам яго не зможам, але, магчыма, хтосьці з мясцовых нам зможа даслаць фота гэтага месца.

Мазырскі клуб Маржавання

Акрамя гэтага, у Мазыры ёсць яшчэ адно цікавае месца - "гарадзішча на Замкавай гары". Падыходзячы да яго, мы ўбачылі шмат старадаўніх хат. У сам жа комплекс мы не пайшлі: ад даўніны там толькі музей і застаўся, ды і ўваход платны. 

гарадзішча у Мазыры

гарадзішча у Мазыры

На гэтым мы скончылі сваё знаёмства з Мазыром і адправіліся ў Гомель. Шкада было ўсведамляць, што наша падарожжа падыходзіць да канца: да Гомеля заставалася крыху больш за 50 кіламетраў. Наш трып вельмі хутка сканчаўся.

На пад'ездзе да Рэчыцы нам на вочы патрапілі вышкі, якія пампуюць нафту. Мы не маглі не пад'ехаць бліжэй і не зрабіць пару кадраў.

нафтадабыча у Беларусi

На гэтым участку мы налічылі каля 30 вышак, якія пампавалі нафту. Як вы ведаеце, Гомельская вобласць, у прыватнасці Рэчыцкі раён, лічыцца сталіцай нафтаперапрацоўкі. У тым жа Мазыры ёсць свой нафтаперапрацоўчы завод.

Да Гомеля заставаліся лічаныя кіламетры. У мясцовых хлапчукоў мы спыталі, куды вы звычайна водзіце гасцей горада: практычна ўсё ў адзін голас сказалі - у парк. Поўная назва галоўнай гомельскай выбітнасці - палацава-паркавы ансамбль Румянцавых і Паскевічаў. Дарэчы, вы таксама можаце паглядзець яе разам з адной нашых экскурсій - вось і спасылачка на яе.

Многія заяўляюць, што ён нават лепш за Парк Чалюскінцаў у Мінску. Мы вырашылі праверыць, ці так гэта. Забягаючы наперад, скажам, што гэта сапраўды апынулася так. Гледзіце, якія атрымаліся фота!

Палац Румянцавых-Паскевічаў

Мясцовы “Белы дом" - Палац Румянцавых-Паскевічаў. Наогул, гомельскі парк - гэта цэлы комплекс будынкаў і цікавых месцаў: палац, Паляўнічы дом, лебядзінае возера, парк атракцыёнаў, Зімовы сад, аглядная вежа, пешаходны мост праз раку, набярэжная, цеплаход, які катае ўсіх ахвотнікаў па Сожы, пара бараў і рэстаранаў, сабор святых Пятра і Паўла, капліца-магільны склеп,  вяслярная база і пляж.

Набярэжная у Гомелi

Дарэчы, з бараў, асабліва калі вы яшчэ маладыя душой, параім "Кварцірнік". Гэта моладзевае месца з цікавымі людзьмі і прыезджымі артыстамі. А калі вы ўжо пабачылі жыццё і жадаеце цішыні, то над "Кварцірнікам" ёсць рэстаран "Праванс" з найсмачнай еўрапейскай кухняй.  Папалуднаваўшы з панарамай на раку, мы працягнулі вывучаць парк.

Гомельскi парк

Нам пашчасціла патрапіць у парк як раз у той час, калі расквіталі дрэвы і кветкі. У параўнанні з Віцебскай вобласцю ў Гомель ужо прыйшло лета. Мы нарэшце змаглі зняць цёплую адзежу і пагрэцца на сонейку.

Гомельскi парк

Вежа агляду

Гэта - Вежа агляду, якая працуе да 7. Улетку там немагчыма сустрэць заход, бо цямнее пасля 8. Гэта вежа з'яўляецца часткай былога цукровага заводу, які некалі размяшчаўся на гэтым месцы.

Гомельскі Драматычны тэатр

На выхадзе з парку знаходзіцца велічны Гомельскі Драматычны тэатр. Падыдучы бліжэй, мы ўбачылі, што заўтра павінен быў прайсці спектакль "Ромео і Джульета" ў сучаснай апрацоўцы.

Скончыць наша падарожжа мы вырашылі ў самай вядомай гомельскай перасоўнай кавярні  "Cup of Peace". Тут часта грае музыка, запісаная яшчэ на вінілавыя пласцінкі, і выступаюць вулічныя музыкі-вандроўцы. Хапае тут і мясцовых.

Дзякуй, што былі з намі ўсе гэтыя дні. Ну а мы пойдзем спрабаваць мазырскую медавуху, збіцень і ўспамінаць, як гэта было. Назірайце за нашымі новымі праектам, а мы паспрабуем паказаць вам Беларусь.

Дзень першы - З Гомеля ў Магілёў праз сядзібу Талстых
Дзень другой - З Магілёва ў Полацк праз духоўны Віцебск
Дзень трэці - З Полацку ў Браслаў і трохі зімы ў маі
Дзень чацвёрты - З Браслава ў Гродна
Дзень пяты - З Гродна ў Брэст праз Белавежскую пушчу
Дзень шосты - З Брэста ды ў балоты

Трохі канкрэтыкі для аматараў лічбаў:

Агульная адлегласць: 3300 км
Выдатак паліва: 180 літраў дызелю
Дзён у дарозе: 7
Сярэднія кошты на начлег: ад 30 да 60 рублёў
Сярэдні чэк за абед: 3-4 рублі

З нашым маршрутам можна азнаёміцца вось на гэтай карце.

Вярнуцца да спісу