На набярэжнай рэкі Мухавец у Брэсце з'явілася незвычайная лаўка.

Яна значна больш за стандартныя лаўкі, што размешчаны ўздоўж набярэжнай. І выглядае вельмі незвычайна: сядушка і верхняя планка спінкі драўляныя, сама спінка металічная і выканана ў выглядзе слогана арганізацыі «Про100 дапамагаем». А вышэй размешчана каваная кампазіцыя – крылаты анёл і пляценне з травы ўтвараюць велізарнае сэрца. 

Справа ад сядушкі размешчана яшчэ адна – круглявай формы і з поручнямі. Яна створана адмыслова для людзей з абмежаванымі магчымасцямі. Форма і поручні спрашчаюць перасадку з інваліднай калыскі. 

З'явілася лава дзякуючы валанцёрам. Вырабіў яе знакаміты каваль з Брэста Аляксандр Чумакоў. Паводле задумкі аўтара яна ўвасабляе «выяву ўсёпаглынальнай дабрыні», у народзе кампазіцыю ахрысцілі «лаўкай літасці».

Новы аб'ект усталяваны ў гонар Беларускага Грамадства Чырвонага Крыжа, якое 6 верасня адсвяткавала 100-гадовы юбілей. 

Фота: brestnote.by

Чытайце таксама

Якія змены плануюць увесці ў турыстычнай сферы

Пакаштаваць грачанікі і даведацца больш пра ткацтва запрашаюць у Маларыцкім раёне

Лавандавы рай для адпачынку і фота з'явіўся на Гомельшчыне

Праз якія пункты пропуску ў Беларусь можна заязджаць без візы

Прыкладанне «Падарожнічаю без COVID-19» зробяць яшчэ больш зручным для турыстаў