Кожны год Гродзенскі заапарк выбірае сярод сваіх гадаванцаў жывёлу, якая стане сімвалам Новага года. У 2022 гэта тыгр.

Адважны, наравісты і асцярожны Шархан як нельга лепш падыходзіць на гэту ролю. Ён – нібы сукупнасць асноўных якасцяў паласатага драпежніка. Але вось няўдача! Побач з Шарханам заўсёды знаходзіцца яго сяброўка – тыгрыца Тайга. Тайга – клапатлівая мама, гуллівая і рахманая. Па характары яна поўная супрацьлегласць Шархана.

Працаўнікі заапарка вырашылі сёлета адысці ад традыцый і ў якасці сімвала года абраць дваіх – Шархана і Тайгу. Тым больш, што пара сапраўды асаблівая! У няволі ў тыграў рэдка з'яўляюцца дзіцяняты, а Шархан і Тайга нягледзячы ні на што ў 2016 годзе сталі бацькамі. У іх нарадзілася двое тыгранятаў.

Нягледзячы на нізкія тэмпературы за акном, Шархан не супраць прагуляцца ў адкрытым вальеры. Амурскія тыгры халадоў не баяцца і нават любяць весяліцца ў снезе. Іх сагравае шчыльны мех і тлушчавая праслойка. У Гродзенскі заапарк Шархан прыехаў з Удмуртыі. А наогул амурскія тыгры родам з Блізкага Усходу.

Працаўнікі Гродзенскага заапарка ўпэўнены, 2022 прынясе беларусам удвая больш поспеху. Адразу два сімвалы года пра гэта паклапоцяцца!

У народзе кажуць: важны не толькі сімвал года, але і то, як і дзе правядзеш навагоднюю ноч. Каб 2022 сапраўды стаў для вас самым-самым, запрашаем весела, хораша, пазнавальна і ўтульна адзначыць Новы год у Беларусі. Вы можаце адправіцца на пазнавальную экскурсію, у санаторый, курортны цэнтр ці проста наведаць «Галоўную елку краіны». Падрабязней пра нашы прапановы чытайце тут.

Чытайце таксама

На рацэ Ясельда з'явіцца новы маршрут для байдарачнікаў

Праз якія пункты пропуску ў Беларусь можна заязджаць без візы

На Цэнтральным аўтавакзале Мінска адкрылі ПЦР-лабараторыю

На Гродзеншчыне з'явіліся 2 новыя турыстычныя маршруты

Аўтэнтычнасць і каларыт Беларусі ў адным відэароліку